Áður en kjörfundi lauk var lýst yfir algjörum sigri ZANU-PF, flokks Roberts Mugabe, í kosningunum. Aðspurður kvaðst inspector scholae, Robert Mugabe, sáttur við úrslitin og Robert Mugabe, forseti Framtíðarinnar, tók í sama streng.
Fyrstu útgönguspár hafa borist í hús. Samkvæmt þeim hefur Gunnar Hólmsteinn öruggt forskot á keppinaut sinn í þriðja bekk en fjórði bekkur virðist klofinn í afstöðu sinni. Það lítur því út fyrir að atkvæði fimmta bekkjar geti ráðið úrslitum. Enn er mjög jafnt á munum milli Fannars og Jóns Eðvalds um fylgi í forsetann. Þykir Fannar höfða til íhaldssamari kjósenda en Jón sækir fylgi sitt til róttækra og þeirra sem vilja sjá breytingar. Er því jafnvel ekki loku fyrir það skotið að óákveðnir kjósendur í fimmta bekk muni snúast á sveif með honum þegar í kjörklefa er komið.
Kvennaframboðið Slagur hefur sópað að sér atkvæðum kvenna í öllum bekkjardeildum en atkvæði karla virðast skiptast jafnt á milli hinna listanna og þá einnig eftir árgöngum.
Halla Oddný Magnúsdóttir virðist höfða til flestra kjósenda óháð aldri og kyni í embætti Zéra Zkáldzkaparfélagzinz. Er þá jafnvel talið að áhugaleysi kjósenda á embættinu sé henni í hag þar sem hún muni þá njóta góðs af íhaldssemi eldri nemenda.
Varðhundur: Hver myndirðu telja vera helstu stefnumál þín?
Gunnar Örn: Nei, engin stefnumál, ég tel þau alveg óþarfi.
Varðhundur: Nú?
Gunnar Örn: Ég er með meiri kjörþokka en páfinn
Varðhundur: Hann er nú nýlátinn...
Gunnar Örn: Já, og milljónir flykkjast til að sjá hann! Dauðan! Þú getur þá rétt ímyndað þér vinsældir mínar.
Varðhundur: Er ekki svo að þú ætlir þér bara einn hlut og það er fast sæti í ræðuliðinu?
Gunnar Örn: Við þessu er stutt svar: Nei. Það er líka fullt af Pepsi í boði, lyklar að skrifstofunni og svona.
Varðhundur: Hyggstu mæta kjósendum á nokkurn hátt?
Gunnar Örn: Eg skal slétta á mér hárið. Er vilji kjósenda fyrir því? Ok, nái ég kjöri slétta ég á mér hárið...
Er einhver innistæða hjá Gunnari Erni? Verður næsta stjórn rúin trausti? Er vinsældaframboðið komið til að vera? Kjördagur er upp runninn.
ÁPÞ
Það var öllum ljóst sem lagði leið sína í Cösu að útgjöld frambjóðenda væru gríðarleg og allt lagt í sölurnar. Það er því ekki undarlegt að menn velti vöngum yfir því hvaðan fjármagnið kemur. Er þetta greitt úr eigin vasa; hafa frambjóðendur skrifað upp á víxla eða veðsett bílskrjóðinn til að veiða atkvæðin? Eða veita fjársterkir aðilar fé inn í kosningabaráttuna? Það eru þó hreinar línur að ekkert fæst frítt. Hér fara fram kaup kaups. Frambjóðandinn kaupir atkvæðið en hver hefur keypt frambjóðandann? Hverjir eiga eiginlega hagsmuna að gæta? Hverju sækjast þeir eftir?
Æskilegt væri því að framboðin birtu uppgjör vegna kosningabaráttu sinnar. Það er hinsvegar skýlaus krafa í lýðræðisríki að kjörnir fulltrúar opni bókhald sitt. Kjósendur eiga allan rétt á að vita. Núverandi ástand er óviðunandi og blettur á lýðræðinu.
ÁPÞ
Varðhundar hvetja alla nemendur til að láta sjá sig í Cösu klukkan hálfþrjú til að kynna sér menn og málefni. Þar er staður og stund til að gera upp hug sinn. Varðhundar verða á staðnum, óvægnir og ósvífnir.
Klukkan er tuttugu mínútur í tíu daginn fyrir kosningar og kosningavísirinn hefur enn ekki komist í hendur kjósenda. Í slíkri málefnafátækt og nú ríkir er hann þó mikilvægasta leiðartæki nemenda um framboðsfrumskóginn. Samkvæmt heimildum varðhunda liggur bæklingurinn tilbúinn inn á skrifstofu, enn á þó eftir að skipuleggja dreifingu. Hefur kjörstjórn brugðist hlutverki sínu? Hún hefur trassað upplýsingarskyldu sína svo menn muni ekki annað eins!
Varðhundar standa þó vörð um hagsmuni nemenda og hafa því ákveðið að leka bæklingnum á netið svo hann komist sem fyrst og örugglega í hendur kjósenda.
Smelltu hér til að hefja niðurhal (pdf, ca 10mb)
Eftir að Oddur Þorri hafði gagnrýnt hundana á opinberum vettvangi og kallaði þá m.a.
hlutdræga þá vorum við ekki lengi að elta kauða uppi og gelta smá við hann.Þegar hundana bar að garði var Oddur Þorri klæddur appelsínugulum pallíettu kjól og skartaði
hann einhverri verstu hárkollu sem sést hefur. Með vissa vitneskju undir höndunum eltu
hundarnir hann auðveldlega uppi, því Oddur var í fáránlega háhæluðum skóm við kjólinn.Jæja, hefst þá pressuviðtalið.
Hundur: Hefur þú átt fundi með forseta Framtíðarinnar nýlega?
Oddur Þorri: Eeeeeeee...Ekki nýlega, nei.
Hundur: Ég hef öruggar heimildir fyrir því að þú hafir hitt hann að máli eftir hádegi í gær.
Oddur Þorri: Iiiiiiii...Ég man nú ekki til þess. Man ekki nákvæmlega hvenær það var.
Hundur: Hvað hefði verið rætt á slíkum fundi.
Oddur Þorri: Það er bara trúnaðarmál.
Hundur: Þannig að þú viðurkennir að slíkur fundur hafi verið haldinn, þrátt fyrir að þú neitir því. Oddur Þorri: Ja...ég neitaði því ekkert að hann hafi farið fram en, hérna, gef ekkert upp annað um það.
Hundur: Varstu ekki að neita því að fundurinn hafi verið haldinn?
Oddur Þorri: Fundurinn hefur verið haldinn en, hérna, hann var bara trúnaðarmál.
Hundur: Hver boðaði fundinn?
Oddur Þorri: Það var bara trúnaðarmál.
Hundur: Baðst þú um fund eða forseti Framtíðarinnar?
Oddur Þorri: Ummmmm, ammmm, nú man ég það ekki. Ég held að ég hafi óskað eftir þeim fundi bara til að meta aðstæður og fara yfir hver staðan væri hér innanhúss.
Hundur: Hver var niðurstaðan á fundinum?
Oddur Þorri: Niðurstaðan á fundinum var bara að halda sínu striki og, Hérna, ég veit ekki
til að ég hafi gert neitt rangt og bara mæti hér til starfa og haldi mínu striki.
Hundur: Af hverju neitaðirðu því í upphafi að fundur hefði verið haldinn?
Oddur Þorri: Iiiiii...Bíddu, hvað áttu við?
Hundur: Ég spurði hvort þið hafið átt fund í gær og þú sagðir nei.
Oddur Þorri: Ja, mmmmmm, aaaaaaa...mig minnti ekki hvenær fundurinn fór nákvæmlega fram.
Hundur: Hann var haldinn í gær.
Oddur Þorri: Jaaaaá. Þá var hann haldinn í gær.
Þegar hér var komið sögu hafði Oddur farið úr skónum sínum og hljóp af stað sem
óður væri frá hundunum.
Þarna stóðu hundarnir örlítið ráðvilltir en vissir um gæði fagfréttamennsku. Oddur Þorri er greinilega í einhverju mjög
furðulegu sambandi við Steindór forseta og ennfremur var hann með lélega
tilfinningu fyrir stíl.
-FSF
Sigrún Hlín var ekki sátt við þetta útspil keppinautar síns, "Honum kemur þetta bara ekki við. Mér finnst að fólk ætti frekar að sjá eitthvað athugavert við framboð sem kallar sig Svik og pretti. Eitthvað dularfullt í gangi þar."
"Sigrún eða Sigurður? Þetta er allt sama tóbakið fyrir mér!" Tjáði Sindri Reyr Smárason, talsmaður Hjartanna varðhundi. "Bara tímaspursmál hvenær fólk áttar sig!" bætti hann við og tók bakföll af hlátri.
Í enn óútkomnum kosningavísi sem varðhundar komust yfir í vikunni gera framboðin nánari grein fyrir sér. Varðhundur rýndi í stefnumálin.
Hjörtun hyggjast hygla kjósendum, "þú mátt gera tvisvar í röð og vera suður" en eins og glöggir muna komst upp um vafasöm tengsl fimmta bekkjar við ónefnda aðila suður í Mexíkó á liðnum vetri.
Flokkurinn Ísland hinsvegar eru djarfari, "Við ... höfum mörg tromp á hendi og má þar helst nefna: stærsta ,,sjúga-blása” mót Íslandssögunnar" og vísa þar til leiks sem þótt hefur á mörkum velsæmis.
Svik og Prettir skafa ekkert utan af því, lofa þeim allra hörðustu að "sitja þó inn í rauða herberginu þar sem no-limit texas hold'em er spilaður undir dempuðum ljósum og reyk. Dramsýn? [sic (innsk. ritsj.)] Ekki lengur!" en stefna þeirra er að breyta Cösu í eitthvað siðspillingarbæli.
Er augljóst að loforð framboðanna höfða til lágkúru enda spilamennska löngum talin með böli líkt og áfengi og sígarettur. Það stefnir því í harða og tvísýna baráttu um Ásinn og spennandi tíma á næsta vetri.
ÁPÞ
Hvað ræður þínu atkvæði, lesandi góður?
Eru það gylliboðin? Loforðin? Sælgætið? Von um bitlinga? Hrossakaup?
Eða er það sannfæringin um að hvert atkvæði skipti máli. Atkvæðið er vald, vald til að hafa áhrif, vald til breytinga. Réttur sem barist hefur verið fyrir af meiri hörku en nokkuð annað. Réttur sem er það fyrsta sem glatast sé hann ekki virtur!
Með atkvæðinu er vald fært í hendur fárra en valdinu verður að fylgja ábyrgð. Ábyrgð á því að valdinu sé beitt í þágu fólksins. Að valdhafar beri ábyrgð á gjörðum sínum. Sé ekki kosið af ást og virðingu fyrir lýðræðinu fylgir valdinu engin ábyrgð heldur er það látið af hendi skilyrðislaust. Þá er þess ekki lengi að bíða að stjórnvöld sitji á valdi sínu og komist upp með að sniðganga leikreglur lýðræðissamfélagsins.
Hvernig getur sá haft skoðanir sem hefur ekki dug til að fylgja þeim eftir með atkvæði sínu? Hvernig getur sá haldið sjálfsvirðingu sinni sem kýs án hugsunar. Sá sem kýs út í loftið tekur afleiðingunum.
Illa ígrundað atkvæði er að bregðast samfélagslegri skyldu sinni um að standa vörð um mannréttindi samborgara sinna. Kjóstu því samkvæmt sannfæringu. Annað er ekki mannsæmandi.
"Svarið er hreint út nei," svaraði Gunnar og hló þegar varðhundur náði tali af honum fyrir framan stjórnarráðið, "maður hefur að sjálfsögðu lifað og hrærst í heimi pólitíkurinnar allt sitt líf en ég hef alltaf lagt áherslu á að vera ópólistískur í öllu sem ég geri. Kjósendur geta treyst því." Að því sögðu sté Gunnar upp í svarta glæsibifreið sem beið álengdar, "maður má hvergi stoppa!", og var horfinn á braut.
ÁPÞ
Við náðum tali af honum
Hundar: Jæja, Ásgeir Birkisson, hvað er næst?
Ásgeir: Ég hef í hyggju að ferðast um Evrópu síðan Asíu og loks ætla ég að enda í Höfðaborg.
H: Svo þetta verður einskonar Evrasíureisa hjá þér?
Á: Nei, ég ætla bara hérna að hlusta á köttinn minn
H: En af hverju ákvaðstu að taka allt þetta fé, Ásgeir?
Á: Það er trúnaðarmál og ég man ekki eftir að hafa talað við ykkur um neitt.
Eftir þetta lagði hann á.
Jón vildi ekki láta hafa neitt eftir sér en kallaði þó Ásgeir dólg.
Við, Hundarnir, hörmum það að Skólafélagið muni verða óstarfhæft á næsta ári.
-FSF
Hvað hefur orðið um Le Pre?
Þeir sem muna ef til vill þrjú ár aftur í tímann þá muna þeir þá daga þegar Le Pre var virtur af jafningjum og dáður af öllum hinum. Í aðdraganda kosninga slógust menn um embættið, hljópu í gönur og fólk spurði spennt: Hver verður næsti Le Pre?
Þeir dagar eru því miður liðnir og er sumum eftirsjá af þeim. Hvernig stendur á því að þetta embætti er nær komið út á jaðar skólalífsins þegar það áður stóð svo nærri hjarta þess. Eflaust er þróun undanfarinna ára um að kenna. Árið 2003 var jöfn og hörð barátta um embættið og féllu atkvæði svo sem jafnt á alla frambjóðendur. Sá sem náði þó kjöri byrjaði starfsárið svo um haustið með að ganga í skrokk á busalingum og sagði í kjölfarið af sér. Þá tóku hinir tveir frambjóðendurnir starfið að sér í bróðerni og deildu m.a. titlinum, Le og Pre. Það virtist þó svo að hvor um sig sinntu þau starfinu með hálfum huga og því þótti mörgum vanta eldmóðinn sem einkennt hafði róðrameistara MR-inga. Núverandi Le Pre, þrátt fyrir góðan ásetning, lét annan frama ganga fyrir auk þess sem að deilur milli nemendafélaga gerðu honum starfið síst auðveldara. Virðist því svo komið að allur móður sé úr MR-ingum sem þekkja lítið annað en staðgengla í fremstu röð á keppnum og spyrja: Le Pre? Hvað er það?
Það er bara einn maður sem getur breytt þessu og það er Le Pre. Aðeins einn maður hefur boðið sig fram til Le Pre og verður þar með að vera reiðubúinn til að axla þessa ábyrgð. Hefji hann Le Pre aftur til vegs og virðingar mun nafn hans lifa. Gætu það verið forlög?
Bragi Árnason, varðhundar hvetja þig til dáða - eða með öðrum orðum: Bíttu höfuðið af helvítis blökunni...
F. h. varðhunda,
Ásgeir Pétur Þorvaldsson.
Allt virðist ætla um koll að keyra í þessari viku. Í dag var beini hent til hunds og á því voru hinar ýmsu upplýsingar.
Kristín Gunnarsdóttir sem er að bjóða sig fram til tímavarðar hefur beðið bróður sinn Þórð Gunnarsson(20) um að hjálpa sér i kosningarherferð sinni. Auglýsingarsjóður Kristínar virðist vera af skornum skammti og vantar sárlega fjármagn. Þar kemur Þórður til sögunnar. Hann hefur lofað gífurlegum fjármunum í sjóðinn. Þessum fjármunum ætlar hann að ná með því að hækka verð í Kakólandi. Þórður er einmitt í Félagsheimilsnefnd og getur þannig hækkað og lækkað verð á þessum helstu nauðsynja vörum MR-inga. Kakóland sem er í raun einokunarverslun MR-inga getur leyft sér þetta.
Þórður er tilbúinn að leggjast svona lágt til þess að viðhelda fjölskylduhefðinni. Það gera sér ekki allir grein fyrir því en Þórður Gunnarsson var tímavörður skólaárið 2001-2002 og vill leggja allt á sig svo að hefðin haldist.
Reyndar heyrðum við um bróður þeirra hann Berg “Svarta-Sauðs” Gunnarsson. Hann bauð sig ekki fram til tímavarðar í fyrra og hefur víst verið útskúfað. Hann lifir nú í Grafarvoginum og stundar nám við FG.
Enn einu sinni ræðst maðurinn á litla manninn. Með hækkunum sínum mun Þórður láta hinn almenna nemanda í skólanum borga fyrir kosningarherferð systur hans. Það arf ekki að leggja dóm á svona lagað. Málið dæmir sig sjálft.
-FSF
Lengi vel hefur fótmenntadeild verið ömurlegasta undirfélagið.
Þessi fullyrðing stendur enn.
Þó skal athygli vakin á því að að met aðsókn hefur verið í þessa ömurlegu deild núna í ár. Í ár bjóða nokkrir sig fram.
Þau er:
Anna Þóra Andrésdóttir 4.A
Björn Vignir Magnússon 5.B
Elín Dröfn Einarsdóttir 5.B
Elzbieta Baranowska 4.Z
Gréta Salóme Stefánsdóttir 5.A
Guðrún Sóley Gestsdóttir 4.Z
Katrín Hjaltadóttir 3.E
Sandra Gunnarsdóttir 4.X
Elzbieta Baranowska 4.Z
Anna Þóra Andrésdóttir 4.A
Það þykir að teljast líklegt að Pólverjinn Elzbieta komist inn því samkvæmt heimasíðu Skólafélagsins býður hún sig fram tvisvar. Þetta á líka við um hina íslensku Önnu Þóru.
Ekki skal meira púðri eytt í þessa skíta deild heldur skal fjalla um sjón Skólafélagsins. Er þetta stjórnin sem við höfum þurft að treysta þennan vetur? Stjórn sem sér tvöfalt. Við skulum rétt vona að Skólafélagið hafi verið rekið með tvöföldum gróða.
-FSF
Nú í síðasta kosningarpésa Jóns Eðvalds lýsir Ásgeir Pétur yfir stuðningi sínum við Jón. Með þessu hefir Ásgeir fórnað hlutleysi sínu í þessum forsetakosningum á altari vinskapar. Við hér á hundunum fullvissum ykkur um að Ásgeir Pétur mun á engan hátt fjalla um umræddar forsetakosningar. Stefna okkar hefur ávalt verið hlutleysi og fagmenska. Við skulum vona að fleiri svona uppákomur dúkki ekki upp.
-FSF
Ef satt reynist ofbýður varðhundum slík vinnubrögð. Ætla sitjandi stjórnvöld sér að komast undan vilja kjósenda og tryggja pólitíska arftaka í sessi?
Athygli vekur að maðurinn sem stendur að þessu nauðungarframboði er Gunnar Kristjánsson en hann er eins og áður kom fram yngri bróðir sitjandi inspectors, Jóns Bjarna Kristjánssonar. Aðspurð um hverjar hún teldi ásetning Gunnars með framferði sínu var Saga ekki í vafa, “Til að fiska atkvæði á kvenmann.”
Er inspector að hylma yfir afbrot ættingja sinna? Hvað tefur mál Sögu í kerfinu? Varðhundar eru hneykslaðir yfir því hversu lágt menn leggjast á atkvæðaveiðum. Virðum leikreglur lýðræðisins – annars er því ráðinn endir!
ÁPÞ
ÁPÞ
Nánar má lesa um málavöxtu á bloggi Höllu (svalla.blogspot.com) en í stuttu máli þá reyndi Framtíðarstjórn að ógilda framboð Höllu á þeim forsendum að það hefði ekki borist eftir “formlegum” boðleiðum. Taldi stjórnin önnur framboð en skrifleg, þ.e. með penna á blað, ógild, sem er á skjön við það sem t.d. gerist hjá Skólafélaginu. Er haft eftir forseta, Steindóri Grétari Jónssyni, "Því miður þá verða framboðin að berast skriflega og kannski hefði verið hægt að afsaka seinkunina ef þú hefðir komið með framboðið skriflega, en maður má nú ekki brjóta lög."
Vekur athygli að mótframbjóðandi Höllu í Zérann er Jón Benediktsson sem samkvæmt heimildum varðhunds er náinn samverkamaður sitjandi forseta, Steindórs Grétars. Vilja menn nátengdir Framtíðinni meina að þarna hafi stjórnin reynt að koma sínum manni að sjálfkjörnum með því að koma í veg fyrir framboð Höllu. Forseti segir að lögin megi ekki brjóta en kemst hann upp með að svínbeygja lögin eftir sínum smekk til að koma sínum manni að? Er í gildi pólitísk erfðaskrá ráðandi afla?
Þykir þetta minna á mál sem kom upp fyrir skemmstu á fréttastofu Útvarps.
ÁPÞ
Það virðist vera mikil aðsókn í þetta vanmetna félag. Þrír flokkar keppa um hituna og að sjálfsögðu mun aðeins einn baða sig í sviðsljósinu á næsta vetri. Margir hafa fallið í þá gryfju að telja þetta litla félag auðvelda bakleið að embættismannastiganum en þar skjátlast þeim hraparlega. Spilaféalgið er gríðarlega tímafrekt og mun vafalaust mergsjúga allan frítíma stjórnarinnar.
Við skulum aðeins líta lög Spilafélagsins.
11.grein.
Spilafélagið
11.1
Félagsskapurinn nefnist Spilafélag
Framtíðarinnar.
11.2
Tilgangur Spilafélagsins er að gera meðlimi Framtíðarinnar að sem bestum
spilurum. Spilafélagið skal standa fyrir spilakvöldum minnst einu sinni í
mánuði
11.3 Fyrir
Spilafélaginu fer Ás Spilafélagsins. Stjórn Spilafélagsins samanstendur af Ási
Spilafélagsins auk tveggja meðstjórnendaÞað er greinilegt að næstu stjórnar bíður erfitt verkefni. Svo ekki sé minnst á það að þurfa að feta í fótspor fráfarandi stjórnar sem hefur sýnt gríðarlegan metnað í vetur. Það var ekki hægt að ganga um ganga skólans án þess að þessi ágæta stjórn bæri á mann gjafir svo sem veglega spilastokka.
Saga Spilafélagsins nær ekki langt en til eru munnlegar heimildir frá níunda áratug síðustu aldar að oft hafi nemendur komið saman og spilað Útvegsspilið eða Sambandsspilið. Hinar fyrstu rituðu heimildir eru frá tímum Stefáns Pálssonar eða um 1994. Þáverandi forseti ritaði þá þennan texta: "Nú höfum við spilað Yatzi/ Hlustum á skrats-ý." Síðan þá hafa verið haldnir góðir annálar yfir hina ýmsu starfssemi félagsins. Vilja margir t.d. meina að útihátíðin Uxi hafi verið á þess vegum. Merkismenn sem hafa verið í félagi þessu má nefna Helga Hrafn Guðmundsson og Friðrik Stein Friðriksson en sögur herma að aldrei hafi verið haldið eins veglegt spilakvöld og á stjórnartíð þeirra. Má nefna að hin fræga hipp-hopp sveit Jói Hamburger hafði boðað komu sína en gat því miður ekki látið sjá sig.
Flokkurinn Ísland
Elísabet Hugrún Georgsdóttir,
Hildur Kristin Stefánsdóttir 3.B,
Sigrún Hlín Sigurðardóttir 4.M
Þessar ungu stúlkur hafa boðað verndun íslenskra spila svo sem Krabbaspili og Leptu dauðann úr þessu spili. Enn fremur ætla þær að setja ýmsar hömlur á innflutt spil sem koma ekki frá Evrópu. Þegar Hundarnir geltu að þeim sögðu þær að spilið Catan væri í miklu eftirlæti. Þær snökkuðu ennfremur um dýrkun þeirra á hinum þjóðernissinnaða Klaus Toiber.
Hehe
Haukur Guðmundsson 5.Y,
Kári Steinn Karlsson 5.Y,
Sindri Reyr Smárason 5.B
Ekki er mikið vitað um þennan hóp en þegar Hundarnir stukku að þeim var hlaupið í burtu. Því er hægt að segja að þeir væru góðir í að hlaupa frá skyldum sínum.
Svik og prettir
Sigurður Kjartan Kristinsson 3.C,
Gunnar Atli Thoroddsen 3.C,
Vilborg Ása Dýradóttir 3.B
Hundarnir hafa verið að snuðra og grófu upp ýmsan skít um þetta lið. Sigurður Kjartan, sem hefur starfað í auglýsinganefnd í vetur, er fastagestur á klámbúllunni Grand-Rokki. Þar hefur hann setið löngum við póker-sjálfsala. Hann er sagður vera með góða undirhönd. Þessi flokkur er sá eini sem hefur látið teikna mynd af sér.
Þetta virðist ætla að vera mikill slagur. Tvö framboð úr 3. bekk, því munu atkvæði líklegast dreifast. Við spáum styrjöld í 3.B þessa vikuna og ráðleggjum lesendum okkar að forðast heimastofu bekkajrins, stofu 3. 4. bekkur er óskrifað blað en líklegast mun Ísland græða á því að vera með einn innanbúðarmann þar. Það er greinilegt að Hehe muni sækja fylgi sitt í þennan árgang. Nú ríður á að vera vinsæll.
Það verður vafalaust mjög spennandi kosningar í Spilafélaginu. 4. bekkur er lykilinn að góðu kjöri hérna en mun slæm ímynd aðila skemma fyrir flokknum sínum? Við, Hundarnir, vonum að allir kjósi eftir bestu samviku í Spilafélagið.
-Friðrik Steinn Friðriksson
Kaþólski minnihlutinn í MR er æfur vegna auglýsingar sem birtist í Cösu Nova sem hluti af kosningaherferð Lenu Snorradóttur sem er í framboði til Framtíðarstjórnar. Hefur andliti Lenu verið smekklaust skeytt inn á mynd af Jóhannesi Páli páfa undir fyrirsögninni, "Lenu í páfann... eða bara Framtíðina?"
"Ótrúlegt! Að einhver skuli dirfast að sýna slíka óvirðingu. Það eru ekki liðnir tveir sólarhringar síðan maðurinn dó og þá sér maður þetta!", lét hneykslaður kaþólikki sem vildi ekki geta nafns í samtali við Varðhund. Er auðheyrt að kaþólikkar eru sármóðgaðir. "Já, ég frétti af þessu í dag. Það komu hérna nokkrir krakkar úr sókninni miður sín og sögðu mér frá þessu. Ég vona bara að sá sem standi að þessu dragi þetta aftur, þetta er náttúrulega fyrir neðan allar hellur", sagði Séra Jurgen Jamin í Kristskirkju stuttu samtali.
Eftir ítrekaðar tilraunir náðist samband við Lenu Snorradóttur sem hafði ekki annað um málið að segja, "Auglýsingastofan sér um útlit kosningaauglýsinganna þú veist, þú verður að taka þetta upp við almannatengslafulltrúann minn eða eikkað, hann höndlar þessi mál". Ekki náðist í hann vegna málsins.
ÁPÞ
Margir ráku upp stór augun á göngunum í dag en flennistór áróðurspjöld með mynd af Benito Mussolini prýða nú helstu veggi skólans. Eru þetta auglýsingar fyrir framboð Magnúss nokkurs til Framtíðarstjórnar en engar aðrar upplýsingar eru gefnar upp hver þessi Magnús er. Virðist svo sem Magnús meti það svo að ímynd "il Duce" ein muni skila sér í atkvæðum. Vilja sumir heimildamenn Varðhunds meina að slíkt sé til marks um uppgang hjá hægri öfgamönnum. Einn viðmælandi Varðhunds sem ekki vildi láta nafns síns getið tjáði skelkaður, "Brátt verður ekki vært, þeir fara í hart!" og vísaði þar til nýstofnaðra stjórnmálasamtaka vinstrimanna sem hafa sótt í sig veðrið.
Hallast stjórnmálaskýrendur er Varðhundur ræddi við að því að hér sé á ferðinni Magnús Þorlákur Lúðvíksson, alræmdur pópúlisti, en heimildir herma að hann sé hallur undir alræðisstjórnarfar og sé flokkur hans tengdur stjórnvöldum í Norður-Kóreu. Ekki fékkst þetta staðfest þrátt fyrir ítrekaðar tilraunir.
ÁPÞ
Varðhundar sperra eyrun, hvað rumskar ró þeirra? Vorveðrið sem leikið hafði um feldinn reynist svikalogn- Framboð birtast eitt af öðru. Skrum og læti þá ekki langt undan. Stormur í aðsigi. Eins og klifurjurtir þær er hjúfra sig upp eftir trjástofnum og sjúga að lokum lífið úr, breiðist áróður jafnt og þétt upp eftir veggjum og göngum. Nemendur ganga með vitið í lúkunum. Allir lofa þeir dans á rósum en þyrnarnir leynast víða. Varðhundar munu stinga trýninu þar sem ljósið fer í leynum og róta í ranni frambjóðenda. Stefnuskráin stendur: "Vökul augu vor vaka yfir réttlæti nemenda. Hér verður gagnrýnni hugsun hampað til handa nemendum í valþröng."
Lesendur eru hvattir til að kynna sér eldri árganga vefritsins sér til glöggvunar og skerpingar hugans fyrir komandi átök.
Ásgeir Pétur Þorvaldsson, 6.M.
