Ættfróðir hafa eflaust glöggvað sig á því að í kjöri til inspectors er Gunnar Hólmsteinn Guðmundsson, barnabarn Gunnars Thoroddsens. Líkt og sagnfróðir muna var Gunnar Thoroddssen í forystu Sjálfstæðisflokksins lengi vel á síðustu öld og yngsti Íslendingur til að vera kosinn á Alþingi. Hafa menn því leitt að því líkur að með Gunnari yngri sé kominn fram á sjónarsviðið nýr erfðaprins Sjálfstæðisflokksins og herma heimildir innan Sjálfstæðisfélags suðvestur-kjördæmis að öfl innan flokksins bindi vonir sínar við hann. Sagan sýni að embætti inspectors er lykill að frekari frama. En hefur flokkurinn hönd í bagga í komandi kosningum?
"Svarið er hreint út nei," svaraði Gunnar og hló þegar varðhundur náði tali af honum fyrir framan stjórnarráðið, "maður hefur að sjálfsögðu lifað og hrærst í heimi pólitíkurinnar allt sitt líf en ég hef alltaf lagt áherslu á að vera ópólistískur í öllu sem ég geri. Kjósendur geta treyst því." Að því sögðu sté Gunnar upp í svarta glæsibifreið sem beið álengdar, "maður má hvergi stoppa!", og var horfinn á braut.
ÁPÞ
