Blaðamaður: Þú sagðir að Herranótt komi í fyrsta skipti út í plús í þinni kvestorstíð, en eins og flestir vita þá var sögulega hátt tap á herranótt í fyrra, en þú varst í markaðsnefnd Herranætur í fyrra - varstu ekki yfir henni?
SMS: Nei, ég var hins vegar hluti af henni.
BM: Jæja, en þú gerðir bróðurhlutann þarna og eignaðir þér starfið ef mig minnir rétt.
SMS: Já ég var hluti af markaðsnefnd herranætur, það er alveg rétt.
BM: Geturu eignað þér gróðan í ár þegar það er alveg eins hægt að skrifa hluta af tapinu í fyrra á þig?
SMS: Nei, númer eitt er það að Herranótt kemur aldrei út í plús í þeim skilningi að hún er styrkt af skólaafélaginu. Það sem við gerist í ár miðað við það sem gerðist í fyrra er að núna sjáum við að með miðasölu kemur Herranótt í plús miðað við þann styrk sem við gáfum þeim. Þannig að þau þurfa ekki meiri pening. Það sem gerðist í fyrra var að það var leigður allt annar staður sem kostaði miklu meiri pening, það var ekkert almennilegt yfirlit yfir fjármálunum. Það var ekki markaðshlutinn hjá okkur. Við sáum um að safna auglýsingum og kynna leikritið en við sáum aldrei um útgjöld, það eru gjaldkerarnir. Munurinn á því sem gerðist í ár og í fyrra er að það var miklu minna samstarf milli gjaldkeranna, Herranætur og Skólafélagsins í fyrra, hins vegar í ár höfum við verið í daglegu sambandi við að skipuleggja útgjöld herranætur. Það hefur skilað sér í ár í að Herranótt kemur mjög vel út í ár og ég er stoltur af því.
BM: Þú getur skrifað hluta af plúsnum á þig sjálfan?
SMS: Ég get bara skrifað hluta af því á markaðsnefnd og gjaldkerann Steinar og samvinnu Skólafélagið, já...
BM: Nú talaðir þú um ritskoðun...
SMS: Nei, ég talaði ekki um ritskoðun, ég talaði um meiri jákvæðni og burt með neikvæðni. Þannig ef fólk er með neikvæðni á spjallsíðum þá vil ég ekki að kommentinu sé eytt þá vil ég að andlit skólans út á við, inspektor í samvinnu við Skólafélagssstjórn, svari neikvæðum póstum: Þetta er eitthvað sem við viljum ekki fá! Ég held að það sýni þeim sem vilja vera með neikvæðni miklu frekar að það gengur ekki upp frekar en að eyða kommentunum, ég ætla ekki að ritskoða það sem slíkt.
BM: Er það þá miskilningur hjá mér að þú hafir talað um að ritskoða síðuna, spjallþætti og MT?
SMS: Ég sagði að það væri eðlilegt að skólafélagsstjórn horfði á þættina og ef þær væru mjög grófir þá þyrfti að kippa eitthvað út og ég legg áheyrslu á mjög grófir en ég legg mikla áheyrslu á mjög grófir og í flestum tilvikum er ég mjög hlyntur málfrelsi innan einhverja banda. MT hefur verið ritskoðuð í ár af skólayfirvöldum vegna þess að þau...
BM: Hvaða blöð hafa verið ritskoðuð?
SMS: Ykkar
BM: Neii...
*vandræðaleg þögn*
SMS: Allavega, skólayfirvöld gerðu kröfu á það að inspektor læsi yfir MT blöðin og mér finnst það eðlilegt að það sé gert aftur.
SMS: Að lokum vil ég þakka kærlega fyrir þennan stuðning og ég vona að við getum haldið áfram að vinna að því skapa öflugt og jákvætt félagslíf sem við stöndum fyrir á næsta ári.
Gísli Baldur Gíslason (50 atkvæði)
Þetta er líka fyrsta myndin sem birtist úr kosningaherferð Gísla. Það má ráða í myndina að Gísli sé alvarlegur maður (sjá bros) en þó taki hann lífinu með lífsgleði (sjá skyrtu). Varðhundar eru líka ánægðir með að ekkert sést í MR á myndinni hjá Gísla en ef blaðamaður þekkir gamla ljósmyndarann rétt þá mun hann án efa splæsa Gamla skóla yfir alla kosningaherferðina sína svo ástæðulaust er að fagna strax.
Við hittum Gísla á heimili hans í Vesturbænum þar sem hann sat rólegur og tók við símtölum frá nemendum. Fyrirkomulagið er eins og hjá Sindra, tvær erfiðar spurningar úr 5. bekkjarfundinum og enginn umhugsunarfrestur.
BM: Þú talaðir um að þú vildir fjölga nefndum, þú vildir stofna nefndir í kringum allan andskotann. Ert þú ekki bara að flýja vinnu, er þetta sú þróun sem við viljum sjá – að inspektor sitji bara í makindum á skrifstofunni og kasti allri vinnuni á einhverjar nefndir og fái allt proppsið svo sjálfur?
GBG: Hugmyndin á bak við að fjölga nefndum er byggð á þeirri reynslu sem ég hef innan Skólafélagsins að það er fullt af fólki sem er tilbúið að hjálpa til. Hingað til hafa þau bara verið að hjálpa til við auglýsingasöfnun – sem er ekkert allt of skemmtileg. En eg myndi vilja leyfa fleira fólki að taka þátt í framkvæma viðburði með Skólafélaginu. Ég er ekki að segja að þau taki þetta af okkur og geri þetta ein. Ég er að segja að við fáum fleira fólk með okkur í starfið og ég held að það myndi frekar gera viðburðina vinsælli, því því fleira fólk sem kemur að þeim, því fleira fólk sem mætir og sýnir þeim áhuga.
BM: Þú talaðir um að eftir söngkeppnina yrði annars konar skemmtun, ertu þá að vísa í að Skólafélagið fari að halda e-s konar tebó? Er þetta ekki fyrir neðan virðingu Skólafélagsins, getur félagið gert þetta?
GBG: Já ég átti vissulega við að við myndum halda e-s konar skemmtun sem yrði ekki ball. Þá er ég fyrst og fremst að hugsa um eitthvað sem við ætluðum að framkvæma í vetur vegna þess að það var svo lítið af tebóum en það var eitthvað sem við kölluðum skemmtikvöld Skólafélagsins, eða Skóbó. Það er nú ástæða fyrir því að þetta er ekki í bæklingnum og ég tala nú ekkert allt of frjálslega um þetta nema í öðru en götumiðlinum vardhundar.blogspot.com. Ég held að þetta geti orðið mjög skemmtilegt, við sjáum núna þegar Framtíðin er ekki að redda tebóum þá er svo stór hluti af félagslífinu ekki til staðar. Ég er svo bjartsýnn að ég held að það sé ekkert mál að redda tebóum, skóbóum eða hvað sem þau heita – við eigum ekkert að vera stóla á aðra.
GBG: Mig langar svo til þess að þakka öllum 126 sem gáfu sér tíma til þess að koma og hlusta á okkur frambjóðendurna í dag. Sérstaklega vil ég þakka þeim sem veittu mér stuðning. Að lokum vil ég nýta tækifærið og þakka Pétri Grétarssyni fyrir hans þátttöku. Hann kom mér mjög á óvart og var með fullt af góðum hugmyndum um hvernig bæta megi félagslífið. Ég hvet hann eindregið til þess að gefa kost á sér til embættisstarfa á næsta ári.
Það er ljóst að slagurinn í næstu viku verður hnífjafn ef það er eitthvað að marka þessi viðtöl og staðan í slagnum breytist ekkert þrátt fyrir erfiðar spurningar. Hitt er þó aftur á móti ljóst að Varðhundarnir hafa breyst til frambúðar. Hvert verður framhaldið? Fylgist með á Varðhundunum.
Hér fer fram bein textalýsing frá 5. bekkjarfundinum. Til þess að fá nýjustu fréttirnar þarf að refresha síðunni (f5 á lyklaborðinu).
14: 55: 5. bekkingar flykkjast inn. Öll bestu sætin eru orðin frátekin.
14:57: Bjössi stendur við pontuna og á í spjalli við einhverja nemendur. Salurinn er fullur.
15:01: Fundurinn er ekki byrjaður. Daði og Birta úr kjörstjórn eru ekki mætt.
15:02: Daði og Birta koma inn með aukafartölvu
15:04: Kjörstjórn gantast sín á milli. Þau gera sér greinilega ekki grein fyrir alvarleika fundarins.
15:05: Þaggað í salnum, fundurinn er byrjaður.
15:06: Starfsmenn fundarins eru kjörstjórn Skólafélagsins og Framtíðarinnar. Björn Brynjúlfur er öryggið uppmál þegar hann setur fundinn.
15:06: Bjössi reitir af sér brandarana og les upp tilkynningu frá 5. bekkjar ráði. Nemendur eiga víst að borga 14. þúsund króna staðfestingargjald fyrir útskriftaferðina.
15:07: Bjössi útskýrir reglur fundarins og biður gesti um að slökkva á farsímum.
15:08 Hverjir gefa kost á sér? Sindri, Gísli og Pétur stíga fram.
15:09: Er Haraldur að stíga upp og gefa kost á sér? Nei hann er að fara á klósetið. NÝR FRAMBJÓðANDI. Viktor Traustason, 5. Y!!
15:10: Gísli Baldur stígur fyrstur upp í pontu. Hann er afslappaður og öruggur í fasi.
15:10: Gísli gortar sig af fyrri afrekum í félagslífinu. Engin stefnumál komin strax. Ef þið kjósið mig þá kjósið þig þjón. Hvert er maðurinn að fara?
15:12: Embætti er dregið af orðinu ambátt; Gísli talar um sig sem þjón nemenda.
15:12: Ræðan er augljóslega fyrirfram skrifuð og flæðir ekki nógu vel. Hann vill stofna nýjar nefndir sem sjá um sértæk verkefni innan Skólafélagsins
15:13: Gísli leggur áherslu á að peningur Skólafélagsins skili sér aftur til nemenda. Laumuskot á Fálkaorðurnar hans Bjössa.
15:14: Hann vill að inspector gangi í bekki fyrir stærri viðburða. Það er undarlegt ef að það þarf að senda sms á 15 manns í skólanum að það þurfi þá að senda á alla 900 í skólanum.
15:15: Vill breyta söngballinu í lokaball sem haldið verður eftir vorpróf og talar um að fá erlenda tónlistarmenn á böll. Ræðan er núna farin að flæða betur.
15:15: Ég vil sjá til þess að neminn verði haldinn tvisvar í mánuði. Kakóland ekki verið að stand sig í vetur. Hann vill bæta úrvalið í Kakólandi. Týpískt.
15:16: Vill stofna nefndir sem sjá um keppnir innan skólans á borð við stuttmynda- og lagasmíðakeppni.
15:16: Talar um sleepover og LAN. Fyrsti brandarinn í ræðunni. Fær dræman hlátur.
15:17: Tvær ferðir: Skíðaferð í janúar og sumarferð í júní!
15:17: Spyr salin hvort þau hafi séð busaballsmyndina. Nokkrir janka. Hann er að fara tala um myndbandsnefnd. Vill stofna sér nefnd í kringum Videaums.
15:18: Síðasta stefnumál, talar um dvd-diskinn.
15:19 Endar ræðuna á MR-rúnki, skemmtilegustu böllin etc. Fær ágætt klapp. Bjössi opnar á spurningar.
15:21: "Hvernig geturðu tryggt það að neminn verði haldinn tvisvar í mánuði?" Gísli segir að embætismenn eigi að fara eftir því sem þeir eiga að gera skv. lögum annars þarf inspector að grípa inní og vera almennt í góðu sambandi við undirfélögin.
15:23: Byrjaðiru í nóvember að hugsa um framboðið þitt? Djók spurning, hann ætti ekki að svara þessu. Hann svarar samt. Spurt aftur, en núna beittar - ertu bara búin að vera hugsa um framboðið í vetur en ekki scribuna, Gísli lendir í vandræðum.
15:24: Spurt er hverjir megi fara í sumarferðina. "Allir nemendur" segir Gísli.
15:25: Beðið um útskýringar á töf vefsíðunnar. Gísli segir að hann hafi ekki gert sér grein fyrir því hversu stórt verkefni vefsíðan var. Hún er komin upp núna, það er það sem skiptir máli. Ágætt svar.
15;26: "Hvað verður um söngkeppnina þegar söngballið færist eftir vorpróf". Gísli segir að söngkeppnin verði á sama tíma og hún er núna, bara síðar um kvöldið.
15:28: Spurt um Videamus þáttinn og nefndina, hvernig verður valið? Gísli segir að myndbandsnefnd eigi að sjá um myndirnar. Síðasta spurning frá Birtu í Herranótt.
15:29 "Er ekki of mikið að vera með tvær myndbandsnefndir?" Gísli vitnar í árið í ár þegar hann segir að ekki mundi saka að hafa aðra nefnd.
15:29: Bjössi býður Pétur velkomijnn í pontu. Hann byrjar á góðum brandara.
15:30: Byrjar á að hreinsa af sér grínstimpilinn.
15:31: "Ég hef myndað mér óhlutdræga skoðun á því sem er að gerast." Hvað meinar maðurinn?
15:32 Segist vilja koma embættinu á hærra plan. Skýtur á skítkast. Heldur áfram að skjóta inn bröndörum.
15:33: Byrjar á stefnumálum. Heldur áfram um með brandara. Fer yfir skyldur inspektors.
15:33: Fjallar um mikilvægi þess að inspectors standi við það sem hann segir. Talar um skipulagsleysi Skólafélagsstjórnar á árinu. Telur að hægt sé að gera betur.
15:34: Fyrsta stefnumálið: Að halda betur um hagsmuni nemenda. Hann hefur greinilega ekki tilfinningu fyrir því hvað kjósendur vilja heyra. Öllum er DMs um þessa hagsmuni.
15:34: Talar um mikilvægi þess að Skólafélagsstjórn sé innan seilingar, t.d. fyrir Herranótt og Skólablaðið.
15:35: Talar um hvað er gaman að taka þátt í félagslífi. Vantar ferðir fyrir þá sem taka þátt í félagslífinu, sbr. Herranæturferðin fræga. Annað lélega stefnumálið í röð.
15:36: Talar um að redda rektorsleyfi fyrir þá sem fara í skíðaferðina svo hægt sé að fara fyrra af stað. Vill einnig halda áfram að halda stórgóð böll.
15:37: Að gera árshátíðarvikuna sem eftirminnilegasta í lífi allra nemenda. Er maðurinn á krakki?
15:38: Segir að það sé ekkert mál að redda stórum, erlendum hljómsveitum á böll.
15:39: Skotin þjóta, helst á Bjössa inspó.
15:39: Fleiri innanskólakeppnir og passa mjög vel upp á útgáfu nemenda!
15:40: Talar um skítkastið. Meiri ritskoðun. Veit greinilega ekki hvað var að gerast á bak við tjöldin í ár. Talar um Selið. Vonlaust málefni.
15:41: "Selið er alltaf alveg að klárast". Hann hefur ekkert lært af reynslu fyrri frambjóðenda.
15:41: Vill funda þrvisvar í viku með bekkjaráðsmönnum. Mismælti hann sig? Talar um að kenna busum á félagslífið. Talar um að inspector eigi ekki að vera hlutdrægur. Fleiri skot. Það er ástæða fyrir því að 6. bekkingar fá ekki að kjósa.
15:41: Péturer núna kominn út í dramatík og lýðskrum. Þetta eru hins vegar svo illa flutt lokaorð að hann nær ekki að selja neinum þetta.
15:42: Maðurinn virtist fá meira klapp en Gísli. Er salurinn líka á krakki? Bjössi afsalar sér fundarstjórn í hendur Daða Helga út af því að hann er með spurningu.
15:43: Bjössi segir að Pétur hafi komið með alvarlegar ásakanir varðandi hlutleysi hans í kosningunum og biður hann um að útskýra það. Bjössa er augljóslega orðið heitt í hamsi.
15:43: Pétur kemur með stutt svar og uppsker mikinn hlátur og klapp.
15:45: Spurning úr sal "Finnst þér hlutverk Inspectors vera að hafa yfirumsjón með öllu?". Pétur segir að inspector eigi að blanda sér inn í öll verkefni sem hann hefur tíma til.
15:46: Hlátrasköllin kom hvert á fætur öðru. Maðurinn gjörsamlega á salin.
15:47: Pétur heldur áfram að tala um mikilvægi þess að halda fleiri fylleríisferðir.
15:48: Pétur fær óskýra spurningu úr salnum og svarar því að mesta vinna inspectors fari fram um sumarið.
15:51: Haraldur spyr um böllin hvort hann sé óhræddur að halda þau þar sem hann hafi aldrei haldið slíkt. Pétur svarar vel og fær mikið klapp.
15:52 Sindri stígur í pontu.
15:53: Sindri byrjar, líkt og Gísli, að tala um fyrri afrek í félagslífinu.
15:54: Talar um skítkast og Mr-andann. Er hann að reyna að flýja hvað stjórnirnar hafa verið slappar í vetur?
15:54: Sindri segir brandara og uppsker hlátur.
15:55: Ræðan hans er greinilega þaulæfð.
15:55: Varðhundar glíma við tækniörðugleika og missa samband við fundinn tímabundið, þessu verður kippt í lag innan stundar.
15:56: Sambandið komið aftur á. Ræðan hans Sindra komið á algjört flug. Hann gjörsamlega á salinn. Talar um Selið. hann er sannfærandi.
15:57: Segir að 6. bekkingar á næsta ári muni fara í Selið. Talar einnig um þráðlaust net í Cösu og segist hafa talað um það við Yngva rektor. Punktur sem enginn hefur komið inn á áður.
15:58: Yngvi vill að allir setji Novell kerfið á tölvunar sínar, Sindri segir- eigum við ekki bara að gera það? Novell kerfið? Fyrsta feilsporið.
15:59: Vill halda glæsilega upp á 130 ára afmæli Inspectors embættisins á næsta ári og gera Skólablaðið sem glæsilegast.
16:00 Vill Mr-ví viku milli Skólafélags og Framtíðarinnar. Ágæt hugmynd, ef framkvæmdin verður góð.
16:01: Sindra finnst mikilvægt að nemendafélögin skapi stemmningu fyrir félagslífinu og lífgi upp á stemmningunna fyrir jólin.
16:02: Vill setja á fót skreytinganefnd Skólafélagsins, vill að Casa eigi ekki að vera gubbuleg(?) allt árið um kring. Vill skipa nefnd sem skreytir Cösu með mismunandi þemum í ýmsum vikum árið um kring.
16:02: "Casa er ógeðsleg skítug og bara ógeðslega ljót. Ég vil fá líf á veggina ásamt jólaþema og páskaþema" segir Sindri Steph
16:03: Vill betri græjur og sjónvarp í Cösu. Svipuð stefnumál og Fannar var með í inspektornum. Læra menn ekkert?
16:04: Aðalmarkmið Sindra sem inspectors verður að uppræta neikvæða umræðu innan skólans og skapa jákvæða stemmningu.
16:05: Meira um skítkast. Hlutverk inspektors er að sjá um að jákvæðni ráði ríkjum innan skólans. Nei, hlustaði hann ekki á ræðuna hans Péturs?
16:05: Gortar sig af því að Herranótt hafi í fyrsta sinn í ár ekk ikomið út í bullandi tapi, í hans quaestorstíð.
16:06: Golfmót MR. Hann áttar sig ekki á því að það stundar enginn golf. Drykkjugolfmót. Farið að vera athyglisvert.
16:07: Leggur áherslu á að inspector sé sýnilegur. Upplýsingaflæði milli nemenda og stjórnar - þvílík klisja...
16:08: Upplýsingaflæði, upplýsingaflæði, upplýsingaflæði. Svo sem ágætur punktur.
16:08: Talar enn og aftur um hvað hann hefur gert í félagslífinu. Gerir hann sér ekki grein fyrir því að 5. bekkingar mættu á fundinn vegna þess að þeir hafa áhuga á næsta skólaári, ekki fyrri skólaárum?
16:09: Niðurlag: Nái ég kjöri mun ég birta lista af loforðum, sama og Maggi var með. Opnað á spurningar.
16:10 Spurning úr sal: "Hvernig ætlar þú að stoppa skítkastið". Sindri kemur með loðið svar. Hann hafði augljóslega ekki búist við þessari spurningu fyrirfram.
16:10: Hringing truflar hann, bregst vel við. Uppsker hlátur. Fær spurningu frá Andra Snæ en hann reynir að vera beittur: Ef það á að láta alla verða ánægða, þá verður það enginn. Sindri tekur vel á þessari furðulegu spurningu. Mögulegt fyrir alla að koma til inspektors.
16:11: Hann vill gefa fólki tækifæri á að gera hitt og þetta. Þetta snýst ekki bara um embættin. Sum svörin er nokkuð loðin.
16:13: Sindri spurður hvort hann vilji líka ritskoða heimasíðuna eða svara til baka. Hann vill svara til baka. Sindri fær mikið klapp.
16:16: Viktor Traustason stígur upp í pontu.
16:17: Hver er þessi maður? Er þetta grín? RÆÐAN ER BÚIN!
16:18: Salurinn hlær að honum...
16:18: Fólk situr samt ekki á spurningum. Þeim er öllum svarað með bröndurum og útúrsnúningi.
16:19: Spurningum lokið. Þetta var fáranlegt grínframboð. Núna verður kosið.
16:20: Kjörmiðum dreift á milli kjósenda, stutt hlé gert á fundinum meðan atkvæðin verða talin.
16:21: Andrúmsloftið er þrúgandi. Hver dettur út? Gísli, Pétur eða Sindri?
16:24: Gísli stóð sig best að mati manna og var með vel rökstudd mál. Hann átti þó ekki salinn heldur Sindri sem flaggaði meira hugmyndum. Pétur kom áberandi verst út.
16:27: Kjörstjórn er búin að safna saman atkvæðum allra og fer afsíðis til að telja.
16:29 Óformleg útgönguspá okkar Varðhunda gefur að þetta sé hnífjafnt milli Gísla og Sindra. Fáir virðast hafa kosið Pétur.
16:33: Spennan er fara með salinn. Sindri og Gísli eru þó afslappaðir. Ekkert sést til Viktors og Péturs.
16:36 Menn ræða hvort að Bjössi hafi mátt spyrja Pétur spurningar því hann er í 6. bekk. Fimmtu bekkingum finnst að hann hafi ekki átt að gera það. Varðhundar er klofnir í afstöðu sinni.
16:37 Frambjóðendur vilja skila kveðju til óformlegu kosningavökunnar sem haldin var í tölvustofunni. Þeir eru rólegir og spjalla við gesti.
16:40: Stutta svar Péturs við hinni óviðeigandi spurningu Bjössa var "Inspector á ekki að taka afstöðu til þessara kosninga". 5. bekkingar voru greinilega sammála Pétri.
16:41 Bjössi stígur í pontu:
126 atkvæði, ekkert autt atkvæði og eitt ógilt
Gísli 50 atkvæði 39,7%
Sindri 51 atkvæði 40,5%
Pétur 22 atkvæði 19,2%
Viktor 2 atkvæði 1,6%
16:43: Gísli og Sindri taka við hamingjuóskum nemenda og eru alsælir að sjá. Viktor er hvergi sjáanlegur og Pétur þakkar stuðninginn daufur í bragði.
Textalýsingu Varðhundanna er hér með lokið, fylgist með á síðunni í dag fyrir viðtöl við Sindra og Gísla.
Pétur Grétars er hvíti hrafninn í þessum kosningum. Hann er ólíkur hinum tveimur frambjóðendum að því leiti að hann sat ekki í Skólafélagsstjórn á skólaárinu sem líður heldur í skemmtinefnd og kvikmyndadeild. Þetta finnst mörgum ekki vera traustvekjandi og líta helst á hann sem grínista frekar en alvarlegan frambjóðanda. Varðhundar leituðu hann uppi og spurðu hann spjörunum úr um þessi mál.
V: Á grínisti eins og þú heima í inspectorssætinu?
PG: Hvað er að því að hafa skemmtilegan inspector? Ekki eru Sindri og Gísli fyndnir. Hvað er til dæmis málið með þennan Burberry-brandara? Hann er búinn að vera í gangi í þrjú ár og ég er enn að bíða eftir punchline-inu. Síðan er Gísli bara jafnleiðinlegur og hárið hans er sleikt. Sem sagt ógeðslega leiðinlegur. Prufið bara að bera saman prófílana okkar á Skólafélagssíðunni. Þeir eru með leiðinlegar tilvitnanir, ég er með awesome youtube myndband. Ég meina, ég get alveg verið alvarlegur, hlustið á þetta: „Lífið er ávöxtur“. Sjáðu, þetta var ekkert fyndið.
V: Nú eru Gísli og Sindri í Skólafélagsstjórn en þú kemur inn í baráttuna úr tveimur mun minni embættum. Finnst þér þú eiga upp á pallborðið í inspectorskosningum?
PG: Algjörlega. Lítið bara yfir ferilinn minn. Videamvs: Algjör snilld. Stóladanskeppni: Algjör snilld. Donnie Darko niðri í cösu: Algjör fokking snilld. Ég held að það sé öllum ljóst að allt sem ég snerti breytist í gull eins og Bjössi sagði í Kryddsíldinni.
V: Sumir vilja meina að þú hefur verið á eintómu kvennafari í staðinn fyrir að undirbúa þig fyrir kosningarnar síðustu vikurnar. Er eitthvað til í þessu?
PG: Síðan hvenær eru þær ekki með kosningaréttindi? Búum við ekki í lýðræði?
Á þessum tímapunkti hljómaði opnunarlag Seinfeld þáttanna skyndilega og Pétur tók upp símann sinn, „Pési Gré, hér“ svaraði hann og kvaddi okkur snögglega. Ljóst er að Pétur er að beita áhugaverðri kosningataktík og hvetja varðhundar alla til þess að fylgjast með uppistandinu hans sem verður klukkan þrjú niðri í Cösu á morgun. Því miður mega bara fimmtubekkingar mæta.
Baráttan um Framtíðina virðist ekki ætla að verða jafnhörð og oft áður þar sem færri hafa tilkynnt framboð til Framtíðarstjórnar heldur en venjulega. Varðhundarnir tóku púlsinn á frambjóðendunum.
Forseti
Dagný Engilbertsdóttir þorði ekki að bjóða sig fram í embætti inspectors scholae gegn maskínunum Gísla og Sindra en hún sá sér leik á borði þegar ljóst varð að frambjóðendur til Framtíðarforseta eru auðveldari bráð. Hún notaði nýstárlega aðferð til þess að tilkynna framboðið sitt, í beinni útsendingu sem viðmælandi í kryddsíld Framtíðarinnar. Fyrir tilkynninguna hafði hún komið sér upp stóru og miklu tengslaneti með tíðum prófílskommentum á Skólafélagssíðunni. Síðan þá hefur hún unnið hörðum höndum að kosningabaráttu sinni þar sem hún einblínir á atkvæði nýnemanna og stundar hún það nú að mynda náin tengsl við þá busa sem eru áberandi í félagslífinu.
Haraldur Þórir Proppé Hugosson, maðurinn sem felldi sjálfan sig viljandi í fyrra, hefur hætt við að hætta við og kemur nú ferskur inn í Forsetabaráttuna. Hann mun þó sennilega ekki mæta til leiks með sama eldmóði og hinir frambjóðendurnir þar sem það má falla tvisvar um bekk í MR. Ef hann tapar núna þá fellur hann bara aftur. Sagt er að hann líti á framboðið sitt meira sem kynningu á sjálfum sér og sínum stefnumálum fyrir næsta ár frekar en alvöru kosningabaráttu.
Magnús Örn Sigurðsson er besti vinur Péturs Grétars og heyrst hefur að þeir muni heyja sameiginlega kosningabaráttu. Þetta gerir Magnús Örn til að spara pappír en hann er einmitt frægur umhverfissinni enda flokksbundinn Vinstri hreyfingunni grænu framboði. Stefnumál þeirra verða einnig sameiginleg svo ef þeir komast báðir að munu þeir stjórna nemendafélögunum sem einn maður. Skemmtileg hugmynd sem er alveg þess virði að prófa.
Framtíðarstjórn
Eva Hauksdóttir hefur án efa þegið ýmsar gagnlegar upplýsingar fyrir kosningarnar þegar hún átti í sambandi við háttsettan embættismann innan SKólafélagsins fyrir tveimur árum. Hvort að það súper delegate dugi Evu til að komast inn verður hins vegar að koma í ljós. Vonandi hættir hún samt ekki við að bjóða sig fram eins og hún hætti við að bjóða sig fram í quaestor í fyrra.
Guðmundur Felixson reið ekki feitum hesti við gerð Árshátíðarmyndar Framtíðarinnar en Árshátíðarskaupið var epísk snilld að sögn sumra. Heyrst hefur að Guðmundur muni endurnýta kosningaplaköt Jóns Benediktssonar frá því að hann bauð sig fram í Framtíðarstjórn í 4. bekk en þau innihéldu mynd af Felix Bergssyni áður en hann fékk skalla. Einhverra hluta vegna virðist Guðmundur hafa greiðan aðgang að téðum plakötum.
Halldór Kristján virðist ætla að fylgja í fótspor lærimeistara síns, Magnúsar Þorláks, og vera bæði í Gettu betur liðinu og Framtíðarstjórn á næsta ári. Svo mun hann án efa ætla sér að verða miðjumaður Gettu betur liðsins, Framtíðarforseti og Meistari í 6. bekk. Hann hefur ekki falið að hann sé söngvari í hljómsveitinni <3 Svanhvít! en þegar hann var spurður um samband sitt við Daða Helgason, gítarleikara hljómsveitarinnar og kjörstjórnarrottu, sagðist hann, skiljanlega, aðeins eiga samskipti við hann þegar það varðar gítarhljóma. Stuðlarnir á Betsson á að Halldór komist inn eru 2:1.
Jórunn Pála, ein af kosningamaskínum Sindra Magnússonar, ætlar ekki að spara símtölin fyrir kosningarnar. Hún virðist því ekkert hafa lært af félaga sínum í stjórn Ad Astra, Guðmundi Agli, sem hringdi frá sér sigurinn í fyrra. Verst er þó að hún eyðir svo miklum tíma í að hringja vegna óhróðurs um Sindra Steph að hún hefur varla tíma fyrir sjálfa sig.
Linda Björgvinsdóttir hatar ekki að fylgja í fótspor unnusta síns, Unnsteins Haraldar P. Ef þau ná bæði kjöri þá fær Haraldur loksins að skipa Linda fyrir verkum en ekki öfugt. Það yrði þó heldur vandræðalegt ef Linda kæmist inn en Haraldur ekki. Þá þyrftu þau að bjóða sig fram í Forestann á móti hvort öðru að ári.
Ólafur Hrafn galt afhroð í kosningunum til Framtíðarstjórnar í fyrra. Núna kemur hann tvíefldur og reynslunni ríkari til leiks. Ólafur Hrafn Steinarsson gerðist svo höfðingjalegur síðasta haust að persónulega niðurgreiða miðaverðið á leikritið Blinda Kindin sjálfur um heilar 400 krónur, en eins og allir vita fjölmenntu MR-ingar grimmt á þessa sýningu og komust færri að en vildu. Þetta mun án efa fleyta honum langt í kosningabaráttunni. Við skulum þó vona að þetta framboð sé ekki bara siðlaus tilraun til að tryggja sér sæti í Morfísliðinu að ári.
Sara Margrét Harðardóttir fékk góða auglýsingu í byrjun skólaárs. Þessi auglýsing tengdist félagsstörfum þó ekki neitt heldur umtöluðu glóðarauga sem hún hlaut frá háttsettum manni í skólapólitíkinni. Á einum degi varð Sara celeb innan skólans og nú nýtir hún sér þessa óvæntu frægð sína óspart í kosningabaráttunni.
Steinar Halldórsson hefur verið áberandi upp á síðkastið og þar ber helst að nefna drottningarviðtal við hann sem tók heila opnu í síðasta Loka. Steinar þykir nokkuð sigurstranglegur fyrir kosningarnar enda hefur hann einvala lið manna á bak við sig. Meðal þeirra má nefna: Hólmar Hólm Guðjónsson. Elías Rafn Heimisson og Hafstein Gunnar Hauksson. Verður sigurpartýið í ár haldið á Q-bar?
Una Björg Magnúsdóttir er án efa minnst þekktasti frambjóðandinn í ár. Það þarf hins vegar ekki að segja neitt um það hvernig kosningarnar fara því alltaf ræðst þetta á kosningabaráttunni (Nema þegar Gettu betur liðsmenn bjóða sig fram). Hver veit hvað Una getur gert svo lengi sem það verður ekki Arnars Tómasar standard á kosningabaráttunni hennar.
Kosningastjórar stóru embættanna hafa verið mikið í deiglunni undanfarið en lítið hefur farið fyrir kosningastjóra Gísla Baldurs, Dodda fyrrverandi inspó. Gárungarnir segja að hér sé kominn arftaki kosningastjóra Guðmundar Egils, Bolla Thoroddsen, en eins og kunnugt er þá gekk Þórarinn í Sjálfstæðisflokinn í vetur og hóf að klífa metorðastiga flokksins með því að taka að sér 13. sæti lista Vöku í háskólapólitíkinni í vor. Gísli Baldur hefur hingað til neitað því staðfastlega að Þórarinn standi að baki framboði hans, „Hvað er þetta nú strákar, ég er nú bara gamli góði Gilli, ég og Hilmar Birgir höfum nú verið í þessu bara tveir hingað til..." sagði Gísli þegar hann var spurður út í þessi meintu tengsl. Nú veit blaðamaður ekki hvort að þeir eiga að hafa meiri áhyggjur af því að Gísli ljúgi að fjölmiðlum eða af greinilegu vinaleysi mannsins. Viðtalið heldur áfram:
BM: Hver fékk þig þá til að eyða öllum vetrinum í að gera bók um Davíð Oddsson en ekki sinna scribustörfum?
GB: Ég hef mikinn stuðning í grasrót Skólafélagsins. Ég held áfram að vera scriba út veturinn.
BM: Neitaru öllum tengslum við Davíð Oddsson?
GB: Ha? Davíð Jónsson? Neinei, ég þekki hann í gegnum Skapta.
Í þessum töluðu orðum gekk Gísli frá okkur og reyndi að komast út um kjallara hússins síns. Þetta varð frekar vandræðalegt svo blaðamaður leyfði honum bara að sleppa.
Stuttu seinna fengu Varðhundarnir nafnlaust skeyti á vardhundarnir@gmail.com:
Hef heyrt að Sindri sé mjög tengdur Dodda. Og Davíð. Sjáið:
This anonymous email was sent using Send Anonymous Email - http://www.sendanonymousemail.net.
Skítastríð frambjóðenda hefur náð nýrri lægð. Varðhundarnir standa vaktina og reyna verja kjósendur fyrir árásum frambjóðenda. Er stríðið tapað? Fylgist með á Varðhundunum.
Mikið hefur verið rætt um spillingu innan hinnar margumtöluðu meindýra-kjörstjórn og það virðist ekkert vera lát á áróðri og leynimakki spunameistaranna er sitja í henni. Þegar þessi varðhundur var í sínum daglega skoðunarleiðangri í gegnum prófíla Skólafélagsstjórn blasti við honum heldur betur furðuleg sjón. Björn Brynjúlfur Björnsson, inspector skóli og jafnframt formaður kjörstjórnar hafði breytt tilvitnun sinni úr “meistari” í "Kjósið Sindra, Gilli Billi er of blár fyrir þennan skóla!" eins og sést á meðfylgjandi mynd. Svívirðilegri misnotkun á embættisstöðu hefur sést áður en þetta kemst samt á topp tíu. Þó má ekki dæma of fljótt þar sem Björn hlýtur að vita að svona skilaboð gera ekkert nema fæla kjósendur burt frá Sindra sem er eitthvað sem hann mundi ekki geta sofnað yfir. Þar sem Gísli Baldur hefur legið á vefstjórnarréttindum sínum eins og ormur á gulli síðan hann opnaði síðuna hafa bara tveir meðlimir í Skólafélagsstjórn slík réttindi, Bjössi og Gísli. Mögulegt er að Gísli hafi misnotað stöðu sína og leikið þennan hrekk á Sindra til þess að stela nokkrum atkvæðum frá honum. Varðhundar ætla ekki að taka afstöðu til þessa máls en ljóst er að skottið á Daða Helgasyni er uppi þessa daganna.
Þótt línurnar hafi skýrst allsvaðalega í fyrradag þá hafa þær skýrst enn frekar í dag. Varðhundarnir hafa farið yfir þá könnun sem Menntaskólatíðindi lét gera á fylgi frambjóðenda í stærstu embætti Skólafélagsins og færir ykkur skúbbið, heitt úr ofninum.
Inspector
Þessi könnun byrjar á funheitu skúbbi, sem suma kann að undra, en Gísli Baldur Gíslason virðist vera að rúlla upp Inspectorsslagnum. Í heildina situr hann á heilum 57% á meðan Sindri Stephensen, hans helsti keppinautur, dregur lappirnar með tæp 30%. Sú ákvörðun Péturs Grétars að sniðganga kosningamaskínu Skapta Jónssonar virðist síðan hafa skilað honum litlu þar sem hann getur ekki státað af nema rétt rúmum 14% í þessari könnun. Þetta hljóta að vera vonbrygði fyrir hinn vel þekkta grínkóng og sannast þar það sem oft er kveðið, að grínistar fá aldrei óskarsverðlaun.
Quaestor
Þrátt fyrir að Arnór Einarsson sé þekktara andlitið í þessari baráttu virðist sem Árna Frey Snorrasyni hafi tekist að vekja slíka hylli meðal þriðju og fjórðubekkinga á söngkeppninni um daginn að hann hefur skotist langt fram úr keppinauti sínum nú stuttu fyrir kosningar. Árni leiðir kapphlaupið í heildina með 59% gegn 41% Arnórs. Þótt frambjóðendurnir hafi jafnt fylgi meðal fimmtubekkinga ef tekið er tillit til óvissumarka þá eru það yngri bekkingarnir og þá sérstaklega nemendur fjórða bekkjar sem draga Árna langt fram úr en hjá þeim aldurshópi stendur hann upp úr með heil 73% og heldur ágætu 32% forskoti meðal þriðjubekkinga. Þetta virðist því ætla að verða erfiður róður fyrir lummukónginn Arnór næstu vikurnar.
Scriba
Björn Reynir Halldórsson er bæði í Gettu Betur liðinu og hann er eini strákurinn í framboði þannig að þetta er hreinlega gefin niðurstaða. Allt í allt hefur hann 50% atkvæða aðspurðra, langt á undan Ásbjörgu í öðru sæti, sem nær ekki nema að slefa í 35%.
Collegae
Það lítur út fyrir að fimmti meðlimur MORFÍs liðsins, Áróra Árnadóttir, sé ekki jafn vinsæl og hún vill vera láta. Hún situr í þriðja sæti þessarar könnunar, fáeinum prósentustigum á eftir Birtu Ara og Arnari Tómati, en þó langt fyrir framan Ívar Sævarsson, sem virðist ekki ætla að taka sér Björn Brynjúlf til fyrirmyndar í Collegubaráttunni. Ef kallinn skellir ekki í fluggírinn og þrusar feitustu plakötum ársins upp á veggi í kosningavikunni verður að teljast harla ólíklegt að hann nái 10%, hvað þá kjöri.
Varðhundarnir kunna að meta kannanir sem gerðar eru fyrir kosningavikuna, því eftir hana hefur frambjóðendum oftar en ekki tekist að blinda kjósendur með matargjöfum, ræðuhöldum og öðru lýðskrumi. Þetta sannaðist í fyrra þegar ræðukóngurinn Björn Brynjúlfur tók Guðmund Egil, hlédrægan gulldreng, og át hann í lýðskrumsbaráttunni. Látið ekki blekkjast kæru kjósendur, þetta fólk kann ekki vel við ykkur þótt það taki í hönd ykkar og klappi ykkur á bakið. Þið eruð bara atkvæði í þeirra augum, atkvæði með sál. Skammastu þín Bjössi fyrir að lítilsvirða skólafélaga þína með lýðskrumi og skammist ykkar allir frambjóðendur.
Englendingurinn Paul Joseph Frigge hefur gefið frá sér tilkynningu þess efnis að hann muni ekki sækjast eftir embætti forseta Skákfélagsins, Hróks alls fagnaðar, í ár. Öllum er kunnugt um að Paul hefur verið einn harðasti gagnrýnandi Skákfélagsins í vetur og meðal annars hefur hann látið orð flakka eins og „Hlynur Jónsson? Ég tók hann nú bara 1.e4 e5 2.Bc4 Bc5 3.Qh5 Na6 4.Qxf7# !" og „Gummi Hurricane er kannski kóngurinn, en ég er drottningin!". Gárungarnir furða sig á þessari ákvörðun Frigge, en að hans sögn þá þurfti hann að komast úr ruglinu sem fylgdi Skákfélaginu - en stjórnarmeðlimir þess sáust meðal annars saman á tattústofu í bænum nýlega. Hann ætlar þó ekki að fara lengra en frá formannsstólnum í meðstjórnanda því hann hefur ákveðið að bjóða sig fram ásamt skákfrömuðnum og bloggaranum Bjarna Jens, 3. H. Bjarni sagði um þessa djörfu hrókgeringu „Það hefur lengi vantað alvöru karlmann í meðstjórnandastöðuna og það er okkar framboð sem bætir úr því.". Ekki náðist í Hlyn Jónsson meðstjórnanda Skákfélagsins við gerð fréttarinnar.
Ari Guðjónsson, 6. Z
Ingólfur Halldórsson, 6. Y
Jón Benediktsson, 6. Z
Þeir frambjóðendur sem setið hafa í markaðsnefndum nemendafélaganna vinna nú hörðum höndum að því að hvítþvo markaðsnefndarstimpilinn af sér enda þykir hann mjög vafasamur núorðið. Hver ástæðan fyrir því kann að vera er ekki vitað með vissu en seta Sindra Stephensens og Daða Helgasonar í markaðsnefnd Skólafélagsins í fyrra kann að segja sína sögu. Fáir hafa gengið jafnlangt og Birta Ara í þessum efnum sem hélt því blákalt fram að hún hefði “aðeins setið í tveimur markaðsnefndum” og lagðist svo lágt að líkja sér við minni spámenn á borð við Hrefnu Helga, Jórunni Pálu, Örnu Björk, Önnu Gyðu, Ásgerði Snævarr og sjálfan Sindra Stephensen. En nú þyrstir kjósendur í svör við því af hverju Birta er eitthvað hæfari en þessir sexmenningar til að gegna stjórnunarstöðu innan Skólafélagsins fyrst hún þykist vera svo metnaðarlaus að hafa aðeins setið í tveimur markaðsnefndum. Sennilega mun öll kosningabarátta Birtu fara í það að hvítþvo tengsl hennar við þá einstaklinga sem hún namedroppaði á svo niðurlægjandi hátt. Varðhundarnir reyndu að fá nánari svör frá Birtu um þetta mál en það eina sem hún sagði var:
Birta Ara: „Ég þekki bara tvo úr þessu markaðsnefndarhyski“
Já, það er greinilegt að frambjóðendur vilja ekki bara hreinsa sig af öllum störfum markaðsnefndar heldur einnig öllum tenglum við hið svokallaða “markaðsnefndarhyski”. En Birta er ekki bara markaðsnefndarmeðlimur scholae heldur er hún einnig formaður skemmtinefndar. Sá misskilningur virðist þó hafa verið uppi á borðinu allt skólaárið að Pétur Grétarsson inspectorsframbjóðandi gegni því embætti. Þegar Birta komst á snoðir um þetta varð hún alls ekki sátt og lét eftirfarandi orð falla:
Birta Ara: „ Pétur er bara formaður einhverrar aumrar kvikmyndadeildar”
Ástæður þess að nemendur halda að Pétur gegni formannsembættinu í skemmtinefnd en ekki Birta gætu verið margvíslegar. Hugsanlega þykir eðlilegt að Pétur sé formaður þar sem hann er skemmtilegasti meðlimur nefndarinnar. A.m.k. hafa Birta og Stefán Ingi ekki orð á sér fyrir að vera miklir grínistar og sjást þau sjaldan djóka í fólki á göngum skólans. En líklegra þykir að Pétur sjálfur hafi komið þessum orðrómi af stað til að hjálpa sér í inspektorsslagnum. Ef svo er þá hefur Birta Ara allavega komið í veg fyrir þessi plön Péturs og sennilega mun hún sjálf nýta sér formannsembættið óspart í Collegubaráttunni enda mun hún augljóslega ekki grobba sig af störfum sínum í markaðsnefnd.
Línur skýrast í kosningaslagnum
Persónulegt fylgi Skapta Jónssonar virðist geta haft úrslitaáhrif á inspectorsslaginn og því berjast 66% frambjóðenda af grimmd um stuðning hans. Restin af frambjóðendunum, Pétur Grétarsson, er hins vegar metnaðarleysið uppmálað og er á stanslausu kvennafari á meðan Gísli og Sindri vinna hörðum höndum að því að skipuleggja framboð sitt. En hvernig menn eru þetta sem hyggjast bjóða sig fram í stærstu embætti Skólafélagsins? Hverjir eiga möguleika? Hverjir eru nú þegar öruggir inn? Varðhundarnir fóru á stúfana og létu sér ekkert óviðkomandi um verðandi frambjóðendur.
Það hefur verið ljóst í fjögur ár að Sindri Stephensen mundi bjóða sig fram í embætti inspectors en hann tók þá ákvörðun í 10. bekk. Hann hefur því greinilega haft mestan tíma til að undirbúa framboðið og því er bara spurning hvort Sindri hafi nýtt tímann vel eða illa.
Eðlilegur mótframbjóðandi Sindra er Gísli Baldur Gíslason en þeir kumpánar eru saman í Skólafélagsstjórn. Þriðji 5. bekkingurinn í stjórninni, Dagný Engilbertsdóttir, ákvað að bjóða sig fram í eitthvað annað embætti og hefur hún sennilega ekki talið sig hafa raunhæfan möguleika á að sigra piltana tvo.
Þriðji frambjóðandinn hefur þó litið dagsins ljós en það er enginn annar en Pétur Grétarsson, formaður skemmtinefndar. Pétur er mikill grínisti og mun eflaust hressa aðeins upp á inspectorsbaráttuna enda verður seint sagt um Gísla og Sindra að þeir séu húmoristar.
Quaestor scholaris
Arnór Einarsson sýndi mikinn metnað fyrir quaestorsbaráttuna síðasta vor þegar hann felldi sjálfan sig viljandi til að eignast víðari stuðningshóp fyrir kosningarnar. Þar að auki hefur hann augljóslega lært mikið af quaestorskosningum síðustu ára þar sem hefðin hefur verið sú að hressi spaðinn beri sigur úr býtum yfir alvarlega og leiðinlega frambjóðandanum. Arnór hefur jafnvel gerst svo metnaðarfullur í að byggja upp þessa ímynd að taka sæti í Lagatúlkunarnefd en það tókst í annarri tilraun eftir að Andri Gunnar sagði sig úr nefndinni en Arnór reið ekki feitum hesti í kosningunum til Lagatúlkunarnefndar síðasta vor.
Mótrambjóðandi Arnórs, Árni Freyr Snorrason, verður seint talin svipuð týpa og síðustu þrír quaestorar; Sindri Steph, Guðmundur Egill og Doddi, og mundi það því hleypa ferskum blæ yfir embættið ef hann kæmist inn. Hann hefur ætlað að taka klassísku leiðina á þetta með því að bjóða sig fram í MT á vormisseri og nota blöðin til að auglýsa sig fyrir kosningarnar. Þeir sem hafa leikið þennan leik eru t.d. Sindri Stephensen og Björn Brynjúlfur Björnsson. Mun Árni Freyr feta í fótspor þeirra og bjóða sig fram í inspector að ári?
Scriba scholaris
Þriðja árið í röð sendir Gettu betur liðið sinn fulltrúa í kosningar til stjórnar nemendafélaganna og að þessu sinni er það Björn Reynir Halldórsson sem býður sig fram í scribu. Ef marka má gengi fulltrúa Gettu betur liðsins á síðustu árum þá þarf Björninn lítið að einbeita sér að kosningabaráttunni en mikið að einbeita sér að því að Gettu betur liðinu gangi vel. Ef það gerist þá ætti hann að vera öruggur inn og ekki mundi það skemma fyrir ef undanúrslitin yrðu daginn fyrir kosningar.
Ásbjörg Einarsdóttir reyndi snemma í vetur að tryggja sér stuðning Bjössa inspó fyrir scribukosningarnar og virtist sú tilraun bara ganga ágætlega. Hún virðist hafa ætlað að fara sömu leið og Gísli Baldur núverandi scriba að embættinu, en eins og Gísli þá er Ásbjörg í ritstjórn annars skólablaðsins. Hún ætlar þó ekki að leika sama snilldar leik og Gísli og gefa blaðið út rétt fyrir kosningar heldur hefur ritstjórnin tekið þá torskiljanlegu ákvörðun að gefa blaðið út í apríl.
Collegae
Arnar Tómas hefur ákveðið að fylgja í fótspor forvera síns í starfi formanns 5. bekkjarráðs, Daða Helgasonar, og bjóða sig fram í collegu. Það þykir hins vegar ólíklegt að Arnar Tómas hljóti jafnmikla yfirburðarkosningu í embættið og Daði gerði í fyrra enda er hann þekktur fyrir skelfilegar kosningabaráttur og kom það best í ljós þegar hann klúðraði framboði sínu til Framtíðarstjórnar í fyrra. Það hefur þó heyrst að hann hafi fengið sér reyndan kosningastjóra þetta árið, Sindra Stephensen, og ekki veitir nú af.
Áróra Árnadóttir hefur verið öflug í embætti tímavarðar scholae í ár en þar reis frægðarsól hennar hæst á Morfískeppni MR og FÁ í 16 liða úrslitum. Þar bjargaði hún MR liðinu frá tapi með því að láta tímavörð FÁ-inga ekki komast upp með að gefa frummælanda þess skóla aðeins 4 refsistig fyrir að tala í 4,6 sekúndur yfir tímann. Ef Áróra hefði látið þessa spillingu viðgangast þá væri lið MR fallið úr keppni í Morfís. Hvort tímavarðarreynslan muni svo skila sér inn í stjórn Skólafélagsins ætla Varðhundarnir ekki að dæma um.
Birta Ara hefur ekki hatað það að troða sér inn í allar markaðsnefndir Skólafélagsins í ár enda löngu búinn að ákveða að bjóða sig fram í embætti collegu. Hún fékk svo ágætis kosningarúnk frá Skólafélagsstjórn þegar henni var veitt hin vafasama fálkaorða fyrir félagsstörf sín á haustönn. Ef Birta nær kjöri verður hún sennilega yfirmaður markaðsnefnda Skólafélagsins á næstu ári enda hefur sennilega enginn, nema Daði Helgason, verið i fleiri markaðsnefndum en hún.
Ívar Sævarsson þarf sennilega á kraftaverki að halda ef hann ætlar að eiga einhvern séns í hina þrjá öflugu mótframbjóðendur sína sem hafa einnig allir setið ári lengur í skólanum og þar með haft lengri tíma til að sleikja sig upp við samnemendur sína. Við skulum þó ekki afskrifa Ívar strax því góð kosningabarátta getur haft úrslitaáhrif. Hvern hefði jú grunað að Björn Brynjúlfur Björnsson gæti orðið collega fyrir sléttum tveimur árum?
Varðhundarnir eru komnir á kreik og lýðræðið getur andað léttar í bili. Það er ljóst að nemendur mega búast við harðri kosningabaráttu og sennilega verður enn eitt metið í plakatafjölda slegið þetta árið. Varðhundarnir munu gera frambjóðendum til Framtíðarstjórnar og forseta nánari skil á næstu dögum og sennilega verður baráttan þar alveg jafn hörð og hjá Skólafélagskrökkunum.
Við hvetjum lesendur til að senda okkur slúður, skúbb og fréttatilkynningar á vardhundarnir@gmail.com, en ef lesendur vilja nafnleynd er hægt að nýta sér síður á netinu á borð við þessa: http://www.sendanonymousemail
Línurnar eru svo sannarlega farnar að skýrast.
Það er 4. júní, sólríkur mánudagur, og Haraldur Þórir Proppé Hugosson er á leiðinni upp á Hátíðarsal í þriðja endurtökuprófið sitt. Hann hafði staðið sig með prýði í hinum tveimur endurtökuprófunum, hann hafði náð tveimur medalíum í skylmingarmótinu sem var um helgina og hann hafði nýlega verið kjörinn, langatkvæðamestur, í Framtíðarstjórn. Tilvera Haralds var svo sannarlega á uppleið, og hann vissi það. Þegar hann hófst handa við prófið þá voru markgildin og diffurkvótarnir sem leir í höndum hans og hann leysti hvert dæmið á fætur öðru eins og ekkert væri. Þegar um það bil klukkutími var eftir af próftímanum hafði hann klárað prófið og farið yfir það tvisvar og leiðrétt þær fáu villur sem hann gerði. Hann hugsaði „Lífið mitt er frábært. Allt sem ég tek mér fyrir hendur heppnast fullkomlega. Ég er á leiðinni í 6. bekk í besta menntaskóla landsins, ég er besti skylmingamaður Norðurlandanna og ég er varaforseti Framtíðarinnar. Hvað gæti mögulega gert líf mitt betra?“ Honum varð litið til málverksins af Jóni Sigurðssyni sem hengur upp á vegg á besta stað í Hátíðarsalnum. Hann hugsaði með sér „Jón forseti, Jón forseti, Jón Sigurðsson, forseti Alþingis… Haraldur forseti, Haraldur forseti, Haraldur Þórir Proppé Hugosson, forseti Framtíðarinnar“ hann brosti sínu breiðasta og kímdi „þetta verður að gerast“. Hann strokaði snögglega út allar hnökralausu lausnirnar á stærðfræðiprófinu og jafnframt eitt s-ið í Hugosson og skilaði prófinu til prófdómarans.
Mikið vatn hefur þó runnið til sjávar síðan þessi atburðarás átti sér stað og hefur Haraldur margoft fullyrt að hann ætli ekki að sækjast eftir Framtíðarforsetastöðunni sem var hans upprunalega markmið. Því hafa margir velt því fyrir sér: Í hvaða embætti ætlar Haraldur? Varðhundarnir reyndu að komast á snoðir um áætlarnir mannsins með bananadrjólann og komu nokkur embætti til greina:
- Félagsheimilisnefnd: Sagt er að fólk stendur sig best þegar því líður eins og heima hjá sér. Því má búast við að Haraldur mundi taka sig vel út í Kakólandi þar sem hann yrði umrkingdur matvælum allan daginn. Haraldur hefur ítrekað kvartað yfir því að ekki sé hægt að fá plastpoka í Kakólandi fyrir stór kaup og mun hann líklega kippa þessu í liðin verði hann kosinn og bananasalan verður án efa endurlífguð. Helsta vandamálið fyrir hann verður að finna fólk til þess að vera með sér í nefndinni og heimildir Varðhunda segja að enn hefur hann ekki fundið samstarfsfélaga eftir endurteknar tilraunir.
- Zéra Zkáldzkaparfélagzinz: Eins og flestir vita blundar lítið skáld í Haraldi og Zéra Zkáldzkaparfélagzinz gæti verið fullkominn vettvangur fyrir hann til þess að leyfa sköpunarhliðinni í sér að skína. Því augljóst er að rapptónlist er ekki sá vettvangur.
- Inspector Platearum: Þeir sem þekkja Harald vita að stundvísari maður er auðfundinn. En þrátt fyrir það hefur hann lýst yfir áhuga að taka við starfi klukkuhringjara. Sú krafa hefur myndast í gegnum árin að inspector platearum skuli vera í 6. X og bera ættarnafn líkt og meistarar á borð við Elísabetu Kemp og Halldór Berg. Haraldur uppfyllir auðveldlega eina af þessum kröfum en það verður snúnara fyrir hann að sannfæra fólk um að kjósa mann sem ekki er í X-bekk. Mögulega gæti hann notað þá staðreynd að hann byrjaði 5. X í upphafi skólaárs en fór síðan í 5. Y sér til hags.
- Ritnefnd Vetrar: Af augljósum ástæðum.
- Lagatúlkunarnefnd: Nemendur hafa kvartað yfir því síðastliðin skólaár að Lagatúlkunarnefnd hafi aðhafst of mikið og verið óþarflega virk. Koma Haraldar inn í nefndina væri einföld lausn við þessum vanda. Hann mun sjá til þess að ekkert verður gert og þátttaka í skólafundum, úrsagnir, lagabreytingar, túlkanir á dægurlögum og annað sem nefndin hefur tekið sér fyrir hendur verði fordæmd verði hann í formannsstólnum. Þó hefur heyrst á göngunum að Fárbautasynirnir þrír ætla að gefa kost á sér í Lagatúlkunarnefnd og mun það að öllum líkindum hafa áhrif á ákvörðun Haralds þar sem hann hefur bundist miklum vináttuböndum við þá kumpána og vill helst ekki eyðileggja fyriráætlarnir ungu verðbréfabraskaranna.
Af þessu er ljóst að Haraldur hefur vissulega úr mörgu að velja og miðað við vinsældir hans í fyrri kosningum og þeirri staðreynd að hann sé næstþekktasti meðlimur Framtíðarinnar, á eftir forseta, á meðal nýnema í nýlegri könnun þá mun hann að öllum líkindum fljúga inn í hvaða embætti sem hann vill. Varðhundarnir ráðleggja þó Haraldi að halda sig frá Herranæturstjórn. Hún er upptekin.
Hversu spilltir sem frambjóðendur í embætti nemendafélaganna þetta skólaárið kunna að virðast, þá blikna þeir í samanburði við þá rótgrónu spillingu sem viðhefst innan kjörstjórnarinnar sjálfrar. Ekki einungis hefur Sindri Stephensen komið fyrir tveimur af sínum stærstu stuðningsmönnum innan kjörstjórnarinnar heldur hefur kjörstjórnin þegar lagt grunninn að kosningasvindli með því að “lagfæra” niðurstöður könnunar um fylgi inspectorsframbjóðenda, sem mun birtast í Loka í næsta blaði.
Það gefur að sjálfsögðu auga leið að þegar kemur að stjórn lýðræðislegra kosninga er það gersamlega óhæft að stjórnendur þeirra tengist frambjóðendum persónulegum böndum, í þessu tilfelli bjórdrykkjubandalag quaestors og Inspectors, formanns kjörstjórnar. Sögur þess efnis að formaðurinn þræði partý borgarinnar og breiði út boðskap eins frambjóðendanna í stærsta embætti skólans geta ekki haft annað en slæm áhrif á traust nemenda gagnvart kosningunum, sérstaklega þegar heyrst hefur að formaðurinn hafi beitt andmælendur síns manns ofbeldi fyrir að fylgja honum ekki að málum.
Mun betra væri fyrir alla hlutaðeigandi ef hlutlaus aðili kæmi þar að og stjórnaði kosningunum án þess að hafa nokkurra persónulegra hagsmuna að gæta. Þar sem Skólafélagsstjórn fer líka það vel með peningana sína að hún hefur ráð á því að spreða tugum þúsunda í vandræðalega slaka hugmynd einsog Fálkaorður Skólafélagsins þá ætti ekki margt að standa í vegi fyrir því að þeir réðu utanaðkomandi verktaka til að halda hér kosningar. Þá gætu allir efahyggjumenn innan skólans haldið kjafti og Inspectorsframbjóðendur gætu hætt að senda útsendara sína til að lumbra á andstæðingum framboðs síns.
Í þetta skiptið sleppa þó nemendur skólans vonandi fyrir horn þar sem þrír meðlimir Framtíðarstjórnar komast sjálfkrafa inn í kjörstjórn og einsog allir vita er Framtíðarstjórn mun minna spillt þetta árið en Skólafélagsstjórn. Það kemur því í hlut Magnúsar Þorláks Lúðvíkssonar, Meistara með meiru, að sjá til þess að kosningasvindl Daða Helgasonar komist ekki í framkvæmd. Hann hefur sér við hlið Marinó Pál Valdimarsson, alþekktan “all-in” Catan spilahund og Höllu Þórlaugu Óskarsdóttur, sem hefur stjórnað Sólbjarti af stakri snilld þetta árið og innleiddi meðal annars þá nýjung að taka við umræðuefnum áður en dagsetningar voru settar á keppnir, þrátt fyrir þá reglu keppninnar að samið skuli um umræðuefni mest einni viku fyrir keppnisdag.
Ekki er öll nótt úti enn fyrir nemendur skólans þar sem Gettu betur stjarnan, Vignir Már Lýðsson, hefur lagt inn formlega tillögu til kjörstjórnar þess efnis að kosningarnar til inspectors verði skriflegar. Mun kjörstjórnin gerast svo svívirðileg að neita þessari tillögu eða munu Daði og Bjössi jafnvel líta í eigin barm og segja af sér? Fylgist með á Varðhundunum.
