Skólinn titrar af spennu, busastelpur bresta í grát, Hannes portner herðir takið á lyklakippunni. Það eru aðeins þrír klukkutímar í 5. bekkjarfundinn. Þetta er dagurinn sem Gísli, Pétur og Sindri hafa verið að undirbúa sig fyrir í fjögur ár. Stund sannleikans. En hvað er í gangi? Kjörstjórn hefur tekið þá óskiljanlegu ákvörðun að leyfa aðeins 5. bekkingum að sitja fundinn. Þriðju, fjórðu og sjöttu bekkingar hafa risið upp og mótmælt þessari torskiljanlegu ákvörðun í allan dag en kjörstjórn spillingar haggast ekki. Björninn verður ekki unninn. En óttist ekki! Varðhundar hafa fundið smugu í kerfinu og eru búnir að koma fyrir leyndum hlerunarbúnaði í Cösukjallara. Hér á síðunni eftir nákvæmlega þrjá klukkutíma mun því hefjast bein textalýsing af fundinum. Hvernig verða ræðurnar? Hver er stefnumálin? Hver kemst áfram? Fylgist með klukkan 15:00 en þá hefst lýsingin.  ¶ 3:46 AM