Fyrstu útgönguspár berast - Gunnar Hólmsteinn með yfirgnæfandi fylgi í 3.bekk: Úrslitin ráðast í 5. bekk - Fannar sígur fram úr Jóni Eðvaldi: Auðir gætu ráðið úrslitum - Fyrsti kvenkyns Ás spilafélagsins? Karlar klofnir í afstöðu sinni - Zéra Zkáldzkaparfélagzinz: Halla nær örugg um sigur.Fyrstu útgönguspár hafa borist í hús. Samkvæmt þeim hefur Gunnar Hólmsteinn öruggt forskot á keppinaut sinn í þriðja bekk en fjórði bekkur virðist klofinn í afstöðu sinni. Það lítur því út fyrir að atkvæði fimmta bekkjar geti ráðið úrslitum. Enn er mjög jafnt á munum milli Fannars og Jóns Eðvalds um fylgi í forsetann. Þykir Fannar höfða til íhaldssamari kjósenda en Jón sækir fylgi sitt til róttækra og þeirra sem vilja sjá breytingar. Er því jafnvel ekki loku fyrir það skotið að óákveðnir kjósendur í fimmta bekk muni snúast á sveif með honum þegar í kjörklefa er komið.
Kvennaframboðið Slagur hefur sópað að sér atkvæðum kvenna í öllum bekkjardeildum en atkvæði karla virðast skiptast jafnt á milli hinna listanna og þá einnig eftir árgöngum.
Halla Oddný Magnúsdóttir virðist höfða til flestra kjósenda óháð aldri og kyni í embætti Zéra Zkáldzkaparfélagzinz. Er þá jafnvel talið að áhugaleysi kjósenda á embættinu sé henni í hag þar sem hún muni þá njóta góðs af íhaldssemi eldri nemenda.
