Það er komið á hreint, að mestu, hverjir munu gegna því ábyrgðarmiklu hlutverki að sitja í kjörstjórn. Kjörstjórnir tveggja síðustu ára voru með eindæmum spilltar og frambjóðendur höfðu plantað sínum spunameisturum í fremstu raðir kjörstjórnar í því yfirskini að ná sem flestum atkvæðum af saklausum kjósendum. Einnig hefur það tíðkast að fólk sitji í kjörstjórn til þess eins að spaðast og vaða uppi. Hver man t.d. ekki eftir því þegar formaður kjörstjórnar í fyrra afsalaði sér fundarstjórn til þess eins að flytja 7 mínútna langt eintal um æskuminningar sínar úr Vesturbænum á miðjum fimmtubekkjarfund. Ætla kjörstjórnarmeðlimir þetta árið að sinna starfi sínu af góðri samvisku eða ætla þeir að fullkomna spillingartrílógíu seinustu ári með því að leika lýðræðið grátt og plögga því sem þau vilja plögga. Varðhundar fóru á stúfana og grandskoðuðu áætlanir allra kjörstjórnarmeðlima.

Gísli Baldur Gíslason – Þessi maður mun, fremur en aðrir í kjörstjórn, fá tækifæri til þess að vera með puttana á strengjum strengjabrúðanna sem eru frambjóðendur, enda formaður kjörstjórnar. Hans tveir helstu lærlingar eru í framboði til Skólafélagsstjórnar og það má spyrja sig í hvaða spotta Gilli mun toga til þess að pota þeim lengra í framann sem þeir þrá. Það eru þeir Einar Lövdahl sem ætlar í scribu (a.k.a. Lilli Gilli) og Árni Freyr sem ætlar í inspector (a.k.a. Þriðji Gilli). Lengi vel ætlaði Gísli að misnota stöðu sína sem tilvonandi formaður Kjörstjórnar og gera allt sem á hans vegi stóð til þess að koma Lilla og Þriðja Gilla í sín embætti. Þó gerðist einstakur viðburður í jólafríinu sem mun líklega setja stein í götu þeirrar áætlunar, en Gilli fór til Afríku og frelsaðist og gekk svo langt að snoða burt sleiktu klippinguna sína sem Árni og Einar öpuðu svo eftirminnilega eftir honum í þeirra algjöru dýrkun á Gilla og allt sem hann stendur fyrir. Sagt hefur verið að Gilli snoðaði sig til þess að fjarlægja sig frá Árna og Einari og hefur hann nú margoft fullyrt að hann ætli að vera sem hlutlausastur í hlutverki sínu sem formaður Kjörstjórnar. Fyrir jól hefðu Varðhundar ásakað hann um lygar, en eftir frelsunina þá geta Varðhundar ekki annað en trúað honum og mun Gilli líklega standa sig vel sem formaður….ef Bolli leyfir honum.

Arnar Tómas Valgeirsson – Það er nokkuð ljóst að ef Arnar fengi að eiga í hlut að kosningum til embætti Framtíðarinnar mundi hann reyna að koma tíðum meðspilara sínum í Pokémon, Matthíasi Páli Gissurarsyni, í forseta Framtíðar (eða Framíðar eins Arnar kýs að kalla hana). Því miður fyrir hann þá sér hann aðeins um kosningar í embætti Skólafélagsins og er því fátt um góða kosti fyrir hann að styðja. Líklega mun hans helsta hlutverk í kjörstjórn vera að halda uppi hráum kynþokka á fundum og almennum nördaskap. Arnar er þó alræmdur fyrir misheppnaðar kosningabaráttur og það gæti verið að hann muni leitast við að halda með frambjóðanda sem lendir illa í því og gefa honum nokkur pity-vote. Þannig að ef þið eruð að bjóða ykkur fram í embætti undir Skólafélaginu, reynið þá að gera stafsetningarvillu á plakatið ykkar eða vera á blaði inn í Kosningablaðinu og þá munuð þið pottþétt njóta dýrkeyptan stuðnings ATV.

Sindri M Stephensen – “Sælar!” “Spá í að slaka!” “Og þó!” “Nettur!” “Gleraugu, ekki gleraugu!” Þið kannist öll við þessa ódauðlegu frasa frá manninum með dularfulla millinafnið, en nú mun líklega einn annar bætast í safnið: “Þögn í fundarsal!”. Sindri ætlar sér nefnilega að stjórna kappræðum frambjóðenda í stóru embættin og var það ástæðan fyrir því að hann vildi vera í kjörstjórn. Ástæðan fyrir þessari ákvörðun kappans má líklega rekja til slæmrar reynslu hans síðan í fyrra þegar hann stóð í ströngu gegn Gilla Billa í inspector kappræðunum niðri í Cösu (sjá hér). Sindri hefur löngum verið þekktur fyrir aðdáun sína á Rússlandi og mun hann líklega stjórna kappræðunum með kommúnískri stálhendi að hætti Lenín. Hvort að hann muni halda með einhverjum frambjóðendum frekar en öðrum á eftir að koma í ljós. Þó hefur hann látið eftir sér að ef einhver frambjóðandi talar illa um Ragga Bjarna eða Tottenham á opinberum vettvangi mun sá hinn sami ekki eiga séns á kjöri.

Magnús Örn Sigurðsson – Hver man ekki eftir því þegar Maggi og Pétur Grétars voru með sameiginlegt framboð í forsetann og inspector á síðasta ári a la Una og Íris? Því miður fyrir þá, þá náði aðeins Maggi kjöri og Pétur þurfti að taka að sér ýmis niðurlægjandi hlutverk í félagslífinu, s.s. að vera í skreytingarnefnd, eftir að hann stefndi of hátt árið áður. Magnús Örninn hefur þó flogið hátt á þessu skólaári og hefur viðurnefnið “Maggi bíó” fengið að víkja fyrir “Maggi tebó”, enda hefur hann verið einstaklega iðinn við að halda tegrunar og Bó kvöld fyrir MR-inga. Varðhundar áætla ekki að hann muni hagræða einhverjum frambjóðendum í embætti, þó mun hann líklega gera eitthvað flippað í veru sinni í kjörstjórn eins og honum einum er lagið. Mun Jesús Kristur bjóða sig fram í Tölvuakademíuna? Munu Spáfélagsframbjóðendur prýða forsíðu kosningablaðsins? Mun Hannes Portner halda ræðu um mismunandi gerðir lykla á kosningakvöldinu? Við verðum bara að bíða og sjá hvaða flipp Maggi mun bjóða okkur upp á.

Jórunn Pála Jónasdóttir – Lengi hefur verið starfrækt leynilegt tvíeyki í Menntaskólanum sem er alveg við það að komast á yfirborðið. Það vita það ekki margir en Jórunn Pála er í raun bresk, hún er einnig í raun einstaklega góður teflari og millinafnið hennar er ekki í raun Pála, heldur Paul. Eruð þið farin að kveikja? Jú, Varðhundar ætla að afhjúpa það fyrstir af öllum að Jórunn “Pála” Jónasdóttir og Paul Joseph Frigge eru systkini. Þetta mun koma Paul einstaklega vel fyrir í framboði sínu í Framtíðarstjórn. Búist er við mörgum frambjóðendum þetta árið, enda heil fjögur sæti í boði, og því verður mikið basl að telja öll atkvæðin og erfitt að hafa umsjón með því. Það verður því ekki erfitt fyrir Jórunni að sneika inn nokkrum aukaatkvæðum fyrir bróður sinn, Paul, til þess að tryggja honum sæti. Varðhundar eru þó á því að Frigge þarf litla sem enga hjálp til þess að komast í stjórn enda búinn að koma sér vel fyrir meðal fremstu spaða skólans með tíðum skákum í skákmótinu Mordor sem hefur fallið vel í kramið hjá Menntskælingum.

Sjötti meðlimurinn??? – Mikil leynd hefur verið um sjötta meðlim kjörstjórnar og er ekki enn komið á hreint hver mun gegna þeirri stöðu. Einn af augljósustu kostunum væri Jói systemus enda hefur hann verið “fimmti Bítillinn” í síðustu tveimur kjörstjórnum og hjálpað þeim að setja upp Kosningablaðið. Varðhundar telja þó líklegt að kjörstjórnin þetta árið vilji hvítþvo sig af sköndulum fyrri kjörstjórna og væri því ekki gáfulegur leikur að fá mann sem varð vitni af spillingunni síðustu árin. Annar áhugaverður kostur væri Brynja Björg Halldórsdóttir, flokksfélagi Magnúsar, hún mundi örugglega standa sig vel en líklega krefjast þess að kynjakvóti verði notaður þegar kosið er í embætti. Dagný Engilbertsdóttir gæti tekið að sér að vera sjötti meðlimurinn, fregnir herma að hún hafi nú þegar talað við hönnuð auglýsingabæklinga Smáralindar um að setja upp Kosningablaðið. Talað hefur verið um að Björn Ívar Björnsson verði tengiliður DMS-kynslóðarinnar í kjörstjórn en það er líklega engin sannleikur í þeim orðrómi. Það er þó ósk Varðhunda að Birta Aradóttir, ex-collega, muni gegna þessu veigamikla embætti enda er hún víðfræg fyrir að vilja setja heimsmet í að komast í sem flestar nefndir á lífinu en hún er nú þegar orðin varaformaður nemendafélags Hraðbrautar. Hver sá sem sjötti meðlimurinn mun verða ættum við öll að vona að spillingin verði sem minnst í kjörstjórn þetta árið og lýðræðið verði aftur sá grundvöllur sem kosningarnar byggjast á.

Við hvetjum lesendur til að senda okkur slúður, skúbb og fréttatilkynningar á vardhundarnir@gmail.com, en ef lesendur vilja halda nafnleynd er hægt að nýta sér síður á netinu á borð við þessa: http://www.sendanonymousemail.net/