Í dag eru 60 ár eru síðan Ísland gekk í NATO, en hverjum er ekki etjuninni meira en sama um það því í dag var fokking fyrsti dagurinn í kosningavikunni í MR! Varðhundur hafði myndavélina á lofti í dag til þess að mynda gruggug athæfi helstu kandídata.


Arnór var niðri í cösu að segja sögur af fræknum sigrum sínum á sviði pókers. Þegar komið var að hápunkti sögunnar þegar Arnór ýtti öllum chipsunum sínum að miðju borðsins og mælti "all-in" ætlaði varðhundur að grípa augnablikið en um leið og Arnór sá glitta í Canon myndavélina huldi hann andlit sitt og hreytti út úr sér "ef þú vilt taka myndir af tjeddlinum verðuru að borga, kallinn minn!".

Varðhundur náði mynd af Halla Kri að flytja ræðu í einhverjum bekk. Að öllum líkindum er hann að segja skemmtilega sögu af sér og Binna að flippa. Ekki sést hvort gengur vel eða illa en frekar fámennt er á fremstu röðinni. Hvaða bekkur er þetta gætirðu spurt, en já...

Þetta var nefnilega bekkurinn hans Árna Freys! Það má dæma í svip Árna að honum þyki ekki mikið koma til ræðunnar en sýnir þó gagnkvæma virðingu. Kannski er hann að hugsa "fjandinn, ég ætlaði að nota þennan ömurlega Inspector Gadget brandara!". Athygli vekur að enginn í bekknum virðist veita myndavélinni neinnar sérstakrar athygli nema ein, en það er Aldís Erna, Framtíðarstjórnarkandídat. Hún horfir beint framan í linsuna og gælir við ljósopið með fallegu kosningabrosi. Það er augljóst hverjir eru í framboði og hverjir ekki í þessum bekk.

Þegar varðhundur ætlaði að taka púlsinn á kjörstjórn þá mætti honum ekkert nema Framtíðarþriðjungur hennar og einn af inspectorframbjóðendunum. Magnús baðaði út öllum öngum í örvæntingunni sinni og öskraði "Allir út! Allir út! Ekkert að sjá hér!". En talandi um kjörstjórn og tilhneigingu hennar til spillingar þá hefur komist upp um ansi sérstakt mál. Sigurlaug "Obama" Sara bað nefnilega um undanþágu um að hennar rétta nafn mundi birtast í kosningakerfinu þegar Menntskælingar ganga til kosninga. Ástæðan fyrir þessu er að hún hefur markaðsett sig sem "Söru" og því mundi þetta "Sigurlaug" forskeyti aðeins skemma fyrir og veita henni færri atkvæði. Eftir að kjörstjórn samþykkti þessa svívirðilegu saurgun á fyrirbærinu sem hinn almenni þegn kallar lýðræði vildu fleiri fá sneið af kökunni. Steingrímur Eyjólfsson, leiðinlegasti MR-ingurinn, bað um að hans rétta nafn, Steingrímur, mundi ekki birtast í kosningakerfinu heldur gælunafnið hans, Denni. Þetta gerir hann til þess að virðast vinveittari og hlýrri einstaklingur en þetta er þekkt minni meðal manna með sterk nöfn. Hver man ekki eftir "Græddur er geymdur Gummi" en ekki Guðmundur. En að setja þetta í hið opinbera kosningakerfi nemendafélaganna er svívirðileg vanvirðing og hvað haldiði? Jú, kjörstjórn samþykkti þetta. Varðhundar spyrja því hversu langt er hægt að ganga með þetta? Mætti Pétur Marteinn titla sig sem "besti kandídatinn" í kosningakerfinu? Mætti Stefanía láta nafnið sitt vera "Einar Lövdahl sökkar, kjósið mig :*"? Á meðan Jórunn Pála Guðbjartsdóttir er enn í kjörstjórn er allt slíkt mögulegt.

Í lok dagsins spurði varðhundur þó sig: Hvar var Saga Úlfars? Fátt var um svör.

Við hvetjum lesendur til að senda okkur slúður, skúbb og fréttatilkynningar á vardhundarnir@gmail.com, en ef lesendur vilja halda nafnleynd er hægt að nýta sér síður á netinu á borð við þessa: http://www.sendanonymousemail.net/  ¶ 5:50 PM