Það er farið að skýrast núna í hvaða stefnu frambjóðendur halda með kosningabaráttur sínar. Frambjóðendur til stjórna hafa flestir verið heldur rólegir og leyft undirfélögunum að fæða hrægamma félagslífsins, kjósendurna. Einn maður stendur þó sem kóngur í ríki sínu og deilir og drottnar í cösu þessa dagana, hann reyndar deilir eiginlega bara og það frekar miklu stöffi til samnemenda sinna. Björn Hjörvar virðist hafa rekið alla nýtísku framboðsmógúlana sem hann réði í byrjun skólaárs eftir að hann sá plakötin sín og bæklinginn. Hann henti hattinum og ekkert hefur spurst til hans í vikunni en varðhundar höfðu upp á honum og hafði hann lítið um málið að segja að svo stöddu. Björn Hjörvar virðist nú hafa stimplað allan þennan sálfræðihernað í kosninabaráttunni bull og hefur gripið til svonefndrar „Kanónu Kosningabarátta“ sem eru Beinharðir Peningar!Þegar nemendur mættu í skólann í dag biðu þeirra bæklingar frá Birni Hjörvari, Arnóri Einars og þeir sem voru heppnir fengu bækling frá Sögu Úlfars þar sem ekki var til nóg fyrir alla (fyrirboði um það sem Framtíðin Sögu ber í skauti sér í kreppunni?). Þarna hefur Björn Hjörvar stimplað peningana sína allrækilega inn með því að gera meira en forsetakandídat en þetta var ekki búið. Í hádeginu gastu farið í cösu og þar sástu eiginlega bara ennþá fleiri bæklinga frá Birni en þegar þú náðir loks að synda í gegnum haf þeirra komstu að sjálfu sakramentinu. Hjá Birni gastu smakkað á yfir 50 nammitegundum, 70 drykkjarvörum, látið klæðskerasauma á þig föt eða fengið erótískt nudd inni í tækjakompunni í cösu. Yfir öllu þessu trónaði Björn Hjörvar og sönglaði nýtt slagorð sitt: „Ég get allt, því ég er ríkur eins kókómalt kappinn Páll Aðalsteinsson var í fyrra“.
Greinilegt er að ekkert er heilagt í þessum kosningum og öllum brögðum er beitt. Ljóst er að Björn kann að eyða peningum, en getur hann séð utan um þá verði hann kvestor? Tobba og Pétur eru í öngum sínum og voru staðin að því fyrr í dag að leita í öllum opnum skúffum og ísskápum á Framtíðarskrifstofunni að mótsvari sínu gegn Birni.
Við hvetjum lesendur til að senda okkur slúður, skúbb og fréttatilkynningar á vardhundarnir@gmail.com, en ef lesendur vilja halda nafnleynd er hægt að nýta sér síður á netinu á borð við þessa: http://www.sendanonymousemail
